Lo Parlament Europèu arrestèt de biais definitiu una possibla lei sus la restauracion de la natura al continent. Es la resulta d’una granda discussion dels diputats que sembla que son brica d’acòrd a l’ora d’adoptar aquela lei. E malgrat aver realizat tres assags sus l’adopcion de la lei ara la Comission Environamentala del Parlament Europèu adoptèt pas la nòva lei. La resulta foguèt 44 vots favorables e 44 contraris.
Segon qualcunes expèrts aquò es la resulta de la paur a çò que poiriá provocar se foguèsse adoptada. E tanben sembla que lo factor decisiu foguèt que i aurà lèu d’eleccions europèas(en 2024) e los diputats volián pas adoptar una lei tant importanta per l’environament europèu.
Per ansin, los diputats de drecha e tanben d’extrèma drecha venguèron contràris a l’adopcion d’una nòva lei sus la restauracion de la natura. Per contra, de diputats d’esquèrra e ecologistas demanèron d’i votar a favor. Totun, los diputats de centre, ont i a lo partit de Macron, volguèron pas adoptar una lei coma aquela, aumens al moment actual.
D’eleccions europèas arribaràn lèu, en 2024, e los diputats sembla qu’avián de paur a l’ora de votar una lei tan necessària. Mens encara los diputats de drecha e ultradrecha, que recebon lors vots de bona part d’europèus que trabalhan al camp mas tanben al mar.
La discussion dins la Comission Enrironamentala Europèa foguèt estonanta : de diputats de drecha volián pas l’adopcion de la nòva lei. E los crits contra los diputats ecologistas e d’esquèrra venguèron grèus. Segon aqueles diputats adoptar una lei coma aquela provocariá qu’Euròpa finiguèsse la siá situacion actuala de continent totalament independent a l’ora de produire de noiridura. Totun, adoptar pas una lei sus la restauracion evnironamentala es contrari al vejaire de plusors scientifics, qu’alertèron contra l’ataca actuala dels paisans e pescaires contra l’environament. Se i a pas mens produccion l’afar finirà pas plan, çò diguèt mai d’un.
Plusors peticions scientificas
E mai de mil cercaires signèron un document scientific en tot avisar que restaurar la natura entraïna pas i far d’activitats economicas. Tot çò de contrari, pr’amor qu’amb aquela la natura tornarà a poder produire mai tornarmai.
En mai d’aquò tanben i aguèt una autra demanda internacionala. Mai de 3.000 scientifics demanèron als diputats europèus adoptar aquela nòva lei pr’amor qu’es plan de besonh pel nòstre continent. Mas semblariá qu’aquel tipe de demanda provoquèt pas res als diputats europèus, pr’amor que, fin finala, foguèt pas adoptada. Cal veire ara se, après las eleccions de 2024, poirá èsser adoptada o pas.
La Redaccion
