Lo Pargue Nacional d’Jiuzhaigou (九寨沟) se tròba situat a China, al nòrd de la província de Sichuan. Aquela resèrva naturala foguèt inaugurada e dobèrta al public en l’an 1984, en essent declarada Patrimòni de l’Umanitat l’an 1992, e son nom en occitan seriá d’aperaquí la val dels nou maines . Lo pargue nacional a una estenduda totala d’un pauc mai de 620 km² plen de vals, de cascadas e de lacs de montanha, que son una vertadièra òbra d’art de la natura, ont podèm veire lacs de color turquesa, de grandas cascadas o encara de denses bòsques que crèan un païsatge de fantasia.
Dins lo parc se pòdon trobar d’elevacions entre 2.000 e 4.000 mètres sul nivèl de la mar. Lo pargue nacional a forma d’I, e es situat pròche al replanat tibetan. Dins las quatre vals situadas dins lo Pargue Nacional de la Val d’Jiuzhaigou, se permet solament la visita al public a tres d’elas, la val de Zechawa, la val de Rize e la val d’Shuzheng, e lo quatren s’agís de la val de Zharu, qu’es solament accessibla en demandant un permís especial, e l’unic que permet l’acampada.
Una origina tibetana
Lo nom de pargue nacional ven dels nòus maines tibetanes qu’environan lo pargue, e que visquèron isolats del mond exterior fins a la dècada de 1970 del sègle XX, quand lo govèrn chinés descobriguèt aquela impressionanta zòna. La primièra d’aquelas vals es la val de Zechawa, situada a màger altitud, concrètament a 3.150 mètres, e que possedís tanben una de las rotas mai longas amb un pauc mai de 18 km. Dins d’aquela se pòt trobar un lac sasonièr mendre e un lac sasonièr superior.
La val de Zechawa es environada de grands tucs e ailà s’i pòt trobar l’estanh de las cinc colors, que, malgrat qu’es un dels lacs de mendre espandida, es un dels mai espectaculars del pargue, car dins las siás aigas se pòt veire una vasta gamma de colors que daissaràn pas degun indiferent. La val de Shuzheng es una de las mai visitadas del pargue pels toristas, car i a una rota ont se pòdon apreciar lo 40% de totes los lacs que i a dins lo Pargue Nacional d’Jiuzhaigou dins los mai de 14 km de longor d’aquela val.
Los lacs mai coneguts que s’i pòdon veire dins de la val de Shuzheng, son lo lac del Dragon Dorment, e lo lac Cana o Luwei ( e en aquel creisson una granda quantitat de canas de bambó qu’environan las aigas cristallinas d’aquel bèl lac) . La darrièra de las vals dubèrtas al public es la val de Rize, qu’ofrís una granda varietat de païsatges desparièrs per totes los visitants del pargue, e ont s’i pòt trobar lo bòsc de la prima, qu’ofrís un agach estonant de las montanhas que i a dins la val.
La val Rize a una longitud d’un pauc mai de 18 km, ne lo son plaçats lo famós lac del Panda e lo lac del Miralh, en aquel segond se pòt veire una vista preciosa de las montanhas que la environan, al bòrd de nívols rebatuts en las aigas de l’estanh, çò que li donan un aspècte vertadièrament espectacular. Los maines pròches al pargue contunhan d’èsser a l’ora d’ara d’etnia tibetana, e tota la zòna es estada declarada Region d’interès panoramic e istoric, a mai d’èsser declarada la region en 1997 Resèrva Mondiala de la Biosfera.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
