Lo grand chòt, tanben conegut coma Grand Duc d’Euròpa (Bubo bubo), es un aucèl de la familha dels estringifòrmes. Es un aucèl nuechenc plan grand e tanplan plan popular demest los aimants dels aucèls e òm pòt lo trapar plan en Euròpa mas tanben en Africa e Asia.
Malgrat qu’es un aucèl plan espandit, òm lo trapa d’un biais mai aisit al nòrd-oèst europèu e pertot l’airal mediterranèu. Uèi òm classifiquèt fins a 20 sosespècias pr’amor de las siás mesuras e la color de las siás plumas. Lo Grand Chòt pòt arribar a pesar entre 1,5 e 4 Kg e l’envergadura de las siás alas fa entre 138 e 170 cm. La siá nautor pòt arribar als 75 cm, çò que fa d’aqueste aucèl un dels pus grands de tota la planeta.
Lo Grand Duc es un aucèl fòrt, que vòla plan. Lor son pòt arribar als 2 quilomètres de distància e es plan diferent segon l’especimèn. Es aital cossí reconeisson los cercaires cada individú. A mai, Bubo bubo es plan territorial e lo nombre de parelhas dins un airal depend de lor nombre mas tanben de las predas. Per avertir de la siá preséncia utiliza de pèiras e tanben la siá femsa a mai dels cants territorials.
D’abitats plan diferents
Los abitats ont demòra pòdon èsser plan desparièrs car òm pòt lo trapar sus la montanha, mas tanben en de zònas deserticas o encara dins de bòsques amb un clima suau. Pasmens, es malaisit de lo trapar en de regions mai nautas dels 2 000 mètres. I a de còps que tanben bastís lo niu en de nius abandonats d’autres aucèls tanben grands.
Son d’aucèls solitaris que sonque cercaràn de trapar d’autres especimèns quand cal se reproduire. Quand son premanits fan un trauc sul tèrra e començan a cridar la femèla. Los uòus sonque arriban de biais annadièr e aquò serà totjorn entre la mitat de l’ivèrn e lo començament de la prima. Lor nombre es divèrs; entre 2 e 6 uòus. La femèla los suenharà e lo mascle cercarà la noiridura. Los pichons arribaràn 36 jorns aprés.
Los joves ducs an pas la color dels adultes; son blancs e sonque cambiaràn la siá color divèrses meses aprés. Dempuèi alavetz sonque la femèla donarà de manjar los pichons, que començaràn a volar 2 meses aprés. Dos meses mai tard los joves chòts auràn ja una nòva color de plumas e sonque demoraràn al niu amb los parents fins a la fin de l’estiu. Mens de sièis meses aprés poiràn ja se reproduire plan.
Malgrat aquò sonque demòran plan fins a la fin del sieu primièr an de vida un 20% dels pichons. Los que poguèron subreviure, viuràn fins a 20 ans, malgrat que pòdon viure plan mai (i a d’especimèns que visquèron fins als 60 ans). Superpredator dins son territòri, lo Grand Duc caça mai pendent la nuèch, en tot espepissar melhor las predas. Se noirisson plan de pichons mamifèrs coma d’esquiròls, de rats, de conilhs o d’eriçons a mai de pichonèls aucèls coma de colombs, e tanplan d’insèctes grands, d’anfibians e de peissum, mas aquò es mai rar. Pasmens, pòdon caçar d’animals amb un pes d’un pichon cèrvi d’aperaquí 10 Kg.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
