Lo creador de l’IA ChatGPT se retira, e avertís del dangièr real qu’arribarà lèu
Lo creador de l’Intelligéncia Artificiala ChatGPT, Geoffrey Hinton, daissèt per totjorn l’entrepresa ont aviá creat aquela AI, Google, e avertiguèt del grand dangièr per l’umanitat que pòt arribar se l’AI contunha en tot aprene, pr’amor qu’un jorn coneisserà melhor que los pròpris umans çò que cal far per aver un futur melhor,
Hinton ara a 75 ans e confirmèt qu’ara se repentís del sieu trabalh amb aquela IA. Tanben volguèt avisar del dangièr que pòt presentar aquela IA per l’umanitat pr’amor que lèu farà paur. « Ara es pas encara mai intelligenta que los umans, çò diguèt Hinton, mas pensi qu’aquò arribarà lèu lèu ». D’un autre costat, Hinton tanben expliquèt que tanben daissava l’entrepresa pr’amor de la siá edat.
Un scientific estonant
Hinton es conegut uèi pr’amor de la sieuna recerca sus cossí pòt aprene una intelligéncia artificiala,que menèt a la creacion del ChatGPT. Pasmens, lo cercaire avertiguèt totjorn del dangièr que podiá representar per l’umanitat crear un robòt coma aquel, car podiá lèu èsser pus lèst que los pròpris umans. Uèi ja foguèt demostrat que ChatGPT-4 a mai coneissença que cap autra persona viva e, malgrat qu’encara a de besonh pensar mai prigondament las causas, tanben o pòt far. Per Hinton lo progrés es estonant e de mai en mai rapid e pr’açò cal s’inquietar.
Un recent article d’Hinton afirmava que de marridas personas poirián usar l’IA per far de marridas causas: ” Se una persona coma Putin decidís balhar als robòts l’abilitat de crear las sieunas tòcas l’scenari pòt venir òrre ». Pr’amor qu’una d’aquelas tòcas poiriá plan èsser « Ai de besonh mai poder ». La sieuna intelligéncia es plan desparièra de la nòstra, pr’amor que, segon Hinton, nosautres sèm èsser biologics e elas èssers digitals. E pòdon tanben reprodusir-se.
Divèrsas còpias
Las còpias d’una IA, ça que la, pòdon despartir la coneissença lèu. Seriá coma aver 10.000 umans e quand un aprén quicòm o aprenon totes al còp. Maugrat tot aquò, Hinton volguèt pas criticar Google pr’amor que, segon lo cercaire, es una entrepresa plan responsabla. D’un autre costat, lo cap scientific de Google, Jeff Dean diguèt que « aprenem totjorn sus lo risc que pòt entraïnar una IA e pr’amor d’aquò lo nòstre trabalh jornalièr es plan responsable ».
La Redaccion
