L’illa de la Passion es una illa privada fòrça exclusiva situada a la mar Cariba; es una illa coneguda com a luòc benesit per la fertilitat, e ont i a fins a tres ecosistèmas desparièrs, çò es de mangròvas, de seuvas e encara d’escuèlhs de coralh.
L’illa de la Passion es situada dins l’ Airal Natural Protegit de Cozumel , a la Mar de la Cariba e es tanben un dels luòcs mai visitats de la Rivièra Maia. Son clima tropical durant tot l’an e la beutat de lors environaments naturals fan d’aquela illa un vertadièr paradís.
Tota l’illa pòt èsser logada per d’evenements socials o encara per de maridatges. Lo movement ancian de l’illa la situèt uèi lo jorn fòrça pròcha de l’illa de Comumel e dempuèi aquesta s’i pòt arribar amb un catamaran. Un còp a l’illa s’i pòdon far mantunas activitats, coma visitar l’illa en Jeep , i passejar, far d’excursions amb de caiac, o encara viure una aventura a Twister.
D’arbres estrangièrs
A l’illa i podèm trobar de bòsques de pins originaris d’Austràlia e tanben casuarinas. En d’autres tempses l’illa foguèt causida plan pels piratas pr’amor de las mangròvas o las sieunas còstas, qu’ajudavan a s’amagar plan. L’istòria de tot aquò son de noms coma la Lòna Cèga, que dessepara l’Illa de Cozumel de la quita Illa de la Passion.
Lo clima de l’illa es caud e umit amb fòrça pluèjas pendent l’epòca de l’estiu e la temperatura pòt se situar amb una mejana annadièra d’aperaquí 25 ° C. Sonque durant l’ivèrn la temperatura generala arriba als 20 ° C.
Lo pargue nacional Escuèlhs de Cozumel, qu’es ont es aquela illa de la Passion, forma part de la Grana Cencha d’Escuèlhs de l’Atlantic Occidental. Lo pargue nacional es aucupat majoritàriament per l’illa Cozumel, qu’a al torn de la meteissa una granda espandida d’escuèlhs de coralh.
L’airal del pargue es dins la part mai meridionala de l’illa de Cozumel. Mai al sud i a los pòrts internacionals, e a occident la còsta. Lo pargue es una ressorça naturala de grana importància per l’economia de la region.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
