Home DIVÈRSES L’ALCHEMILLA MOLLIS
L’ALCHEMILLA MOLLIS
0

L’ALCHEMILLA MOLLIS

0

Alchemilla mollis es una espècia d’arbust perenne qu’aperten a la familha de Rosacèas e es una planta nativa del continent europèu. Pasmens, s’espandiguèt coma planta d’ostal per tota la planeta e uèi òm la pòt trapar pertot. Tanben es coneguda segon lo país amb lo nom de Pè del Leon.

Aquesta planta plan bèla preferís créisser en d’airals de nauta montanha, mai que mai en de luòcs amb un clima on i a mai fred. Es coneguda totjorn coma una planta amb de proprietats medicinalas. Òm pòt la trapar plan en de luòcs umits, aquò vòl dire ont i a d’aiga pròcha e tanben dins lo bòsc. Totun, e pr’amor de la sieuna espandida per tota la planeta òm la classifiquèt a fòrça païses coma una menaça environamentala.

Pòt créisser plan dempuèi las sieunas pròprias cambas e doncas s’espandís de biais aisit pertot. Es utilizada, sustot, coma planta d’ostal dins de l’ostal o tanben dins fòrça jardins. Es plan populara pr’amor de la sieuna color; las siás flors son verdas mas tanben pòdon venir jaunas. La siá forma es tipica e la camba pòt venir roja.

La fuèlha pòt far fins a 6 o 7 cm d’amplor e la siá color es verda e un pauc grisa. Los nervis son plan soslinhats e la textura es plan doça. Pendent de tempses mai antics òm disiá que l’aiga ailà trobada èra la mai blosa e pr’açò òm la cercava per far d’espròvas d’alquímia. Aquò seriá tanben lo nom de la sieuna origina.

Un pauc pertot

Aquesta planta, atanben coneguda segon la region o lo país coma lo Pè del Leon sonque a de besonh de terrens amb un pauc d’aiga e tanplan un pauc de lutz solara, mas pas gaire. Son un tipe de plantas que patisson pas gaire malautiás e pr’amor d’açò an pas de besonh èsser gaire suenhadas. Sonque necessitan èsser copadas per las donar la forma desirada e pro.

Las proprietats medicinalas del Pè del Leon son encara uèi lo jorn plan profechadas. A fòrça tanins, que son plan bons a l’ora de luchar contra la diarrèa. Tanben a fòrça acid salicilic, çò que vòl dire que va plan coma analgesic, antireumatic o antipiretic.

Aquela planta es tanben usada per lucha contra la gripa, l’obesitat, la gota o la fièvre. Tanplan pòt èsser utilizada se una femna a de problèmas pendent la menstruacion, car a fòrça proprietats bonas pel sistèma reproductor femenin. De remembrar totjorn que cal parlar amb un medecin abans, car las personas que patisson de problèmas cardiovasculars o ulcèras gastroduodenalas pòdon patir de problèmas grèus se abans, parlan pas amb un doctor que pòt aconselhar cossí la prene.

Un article d’Andrés López*

*Dempuèi uèi trobarètz una pichona biografia dels redactors de Sapiéncia en la seccion Qui sèm.

Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion

 

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.