LA VEITURA SENS MENAIRE ARRIBARÀ A GRAND BRETANHA EN SIÈIS MESES

Lo govèrn de Grand Bretanha causiguèt accelerar l’arribada de veituras e camions sens de menaire. Per ansin, la premsa internacionla confirmava fa pas gaire que los primièrs taxis e buses autonòms (sens de menaire) poirián circular a las rotas e carrièras anglesas pendent la prima de 2026. Lo fach es estonant pr’amor que serà lo primièr còp qu’Euròpa veirà l’usatge d’aquel tipe de veiculs.

Es aital cSSÍ lo govèrn laborista anglés auriá decidit amassar lo sieu futur politic a l’abilitat de succés de l’economia britanica. Per poder aquò far, causiguèt accelerar lo ritme de projèctes restacats amb aquel tipe de transpòrt a mens de papièr e burocracia legislativa. Pr’açò lo departament del Transpòrt britanic anoncièt que l’arribada del transpòrt autonòm serà en un an, pendent la prima de 2026 e balhèt de lutz verda a divèrses assags d’aquel tipe de veiculs sens de menaire en Grand Bretanha.

Divèrsas companhiás e entrepresas anglesas ja an causit aquela nòva tecnologia per aufrir de servicis de taxi e de bus sens se menaire amb sonque una aplicacion del telefonèt (e ont los clients poiràn demanar lo servici). La nova Lei de Veiculs Automatizats anglesa afirmava que l’arribada dels primièrs veiculs sens de menaire arribarián pas a Grand Bretanha abans de 2027. Pr’açò lo govèrn o accelerèt un an.

Segon lo govèrn laborista anglés, l’arribada d’aquel tipe de transpòrt crearà mai de 40.000 luòcs de trabalh a mai de milièrs de milions de liuras de benefici (que poirián arribar als 42 bilions en sonque dètz ans) per l’economia d’aquel estat europèu.

Lo futur del transpòrt

“Lo futur del transpòrt ja es arribat, çò diguèt la ministra de Transpòrts britanica Heidi Alexander. Los veiculs sens de menaire pòdon aufrir mai de luòcs de trabalh e mai d’inversions e l’escasença de situar lo Reialme Unit coma un dels païses pus modèrns del mond ».

Aital, e pendent 2025, lo govèrn anglés estudiarà amb prigondor tota la informacion e donadas restacadas amb aqule tipe de veïculs. Abans, totun, serà demanat un naut nivèl de seguretat que poirà èsser parièr al demanat als melhors menaires de veitura actuals.

De rebrembar qu’aquel tipe de tecnologia es encara uèi plan discutida al mond. Los que i son d’acòrd creson que los veiculs sens de menaire pòdon reagir mai lèu que los meteisses umans. E se pòt reduire lo nombre de mòrts e nafrats annadièrs a las ròtas anglesas après un aprenentatge contunh en d’scenàris plan complèxes. Los que los vòlon pas dison que son plan dangieroses.

“Uèi i la l’IA. Nosautres podèm pas demorar endarrièr e pr’açò cal causir los buses sens de menaire, çò diguèt lo ministre britanic de Tecnologia, Peter Kyle. Cal dirigir lo sector, un sector qu’entraïnarà de rotas mai seguras e plan mai aisidas pel transpòrt ».

Totun, l’arribada de veituras sens de menaire a de vilas medievalas coma Londres, amb de de carrièras medievalas e pas gaire planificacion urbana poiriá entraïnar un bèl desfís per las entrepresas britanicas. Mas tanben pòt crear de nòvas donadas e un aprenentage dels veiculs plan mai intens que la conduccion dene d’autorotas, d’espacis obèrts e de camins pensats per de veituras coma las estatsunitencas.

La Grand Bretanha ja aguèt de pròvas amb de veiculs sens de menaire dempuèi 2015. Foguèron dirigidas per las entrepresas Wayve y Oxa. Wayne a ara una inversion privada de mai de 12 bilions d’euros e anoncièt fa gaire la sieuna aliança amb Nissan e Uber.

D’un autre biais, Oxa, ja comencèt a dirigir cèrts servicics de bus sens de menaire en qualcunes airals estatsunitencs e tanben de veiculs robotizats a l’aeropòrt de Londres de Heathrow, qu’ajudan amb lo bagatge dels viatgèrs.

“I aurà mai de pròvas e aital poirem ganhar la fidança dels usatgièrs e crear mai de luòcs de trabalh, mai de servicis e un mercat màger, çò apondèt lo director executiu de Wayve, Alex Kendall. Dempuèi lo primièr prototipe usat a Cambridge avèm pogut far lo primièr trajècte en de rotas publicas amb una conduccion creada per IA. Ara avèm començat a far de pròvas a Londres e lèu i aurà un espandiment per tot lo país ».

La Redaccion