La val roja es un dels paisatges de Peró pus estonants. Los indigènas de la region la coneisson plan pels noms de Vinicunca o Winipunka, Montanha de las Set Colors, Montanha de l’Arc de San Martin o encara lo Puèg Vermelh. Es al districte de Pitumarca, a la província de Canchis e malgrat que fa mai de 5 200 mètres de nautor es pas la soleta montaha fenomenala d’aquel polit luòc.
La celèbra vila de Chincheros es pas luenh. Es plan coneguda a Peró e en defòra encara del país, pr’amor dels sieus teissuts. Tanben es pròche lo vilatge de Písac, plan conegut per la sieuna artesania e tanben Maras, pr’amor de las siás montanhas de sal.
La montanha de l’Arc de San Martin es dins lo camin que va fins a la montanha nevada Ausangate, dins la region de Cusco. La causa de las colors d’aquesta montanha son de minerals qu’ailà i a, de color ròsa, blanca, roja, verda, bruna e jaune e negre. Lo jaune a coma causa dirècta la sabla de calç sulfurat. La color bruna ven pr’amor de las ròcas de magnesi de l’airal e la blanca car i a una nauta amassada de sabla de quars e carbonat de calci.
A mai d’aquò, la color ròsa ven per mor de la fanga rica en fèrre e la color ròia tanben pel fèrre. Lo negre pr’amor del carbon. Pendent l’ivèrn la vision del paisatge es absolutament estonanta: i a de nèu en naut e puèi venon las diferentas colors de la montanha. La Val Roja es pas luenhana, situada al Massís de Vilcanota, al sud de Peró, fa tanben gaireben 5 200 mètres de nautor sul nivèl de la mar, e es prèpa tanben de la montanha Usangate.
De montanhas trincadas
La region es considerada un airal plan atractiu per la siá natura tota plena de montanhas trincadas e divèrsas colors, mai que mai, la color roja. La beutat de la region entièra es fenomenala e òm pòt arribar a pensar que l’Arc de San Martin donèt las sieunas colors a la quita montanha. Mai en bas, i a un riu que tanben a las quitas colors. La diversitat minerala de l’endrech es doncas benlèu unic a la planeta.
Segon los indigènas de la region lo luòc es sagrat e pr’amor d’aquò foguèron creats divèrses vilatges pendent la l’epòca coloniala espanhòla. Totun, uèi es considerat un dels luòcs toristics pus visitats. Lo clima a una sason seca e una autra de pluèjas (d’abril a novembre) e pendent los meses d’aquela la nauta temperatura soslinha encara mai la val a travèrs del Solelh.
Per contra, e pendent la sason de pluèjas (de desembre a març) la val a una color encara pus roja e aquela es pus escura. Quand las nívols amagan lo Solelh la montanha tanben cambia la siás colors. Sovent arriba la nèu que tanben donarà un nòu espectacle a la Montanha de l’Arc de San Martin.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
