Nòus estudis suggerison que cambiar la dièta basada en grana entièra per una autra basada en grana rafinada fa ganhar de calorias e es pas tan bona per la santat. Amb grana entièra se ganhan mens calorias pendent la digestion e fa pas créisser lo metabolisme.
La grana es un aliment qu’includís blat, arròs e d’autres productes. La grana refinada a una textura mai fina e amb ela se pèrd fibra, fèrre e divèrses tipes de vitamina B. Puèi, e a travèrs d’un procés d’enriquiment se pòt apondre tornarmai fèrre e vitamina B a la grana refinada mas se pòt pas tornar apondre la fibra. Ara, divèrses estudis confirman que una dièta amb de grana entièra es mai bona per la santat.
Un nòu estudi publicat dins l’American Journal of Clinical Nutrition demostrèt fa pauc aquò amb la reaccion de 81 òmes e femnas amb d’edats entre 40 4 65 ans. L’estudi foguèt realizat per l’Universitat de Tufts e l’Institut de Medecina Environamentala de l’armada estatsunitenca.
Segon l’estudi e contrariament a çò que se pòt pensar, las personas que mangèron grana entièra perdèron fins a 100 calorias cada jorn. E se debanèt pas lo meteis entre las personas que mangèron grana rafinada. “Las calorias perdudas per aqueles que mangèron grana entièra foguèron coma las perdudas aprés una passejada de 30 minutas – çò diguèt Susan Robertson, de l’Universitat de Tufts -. L’estudi a donat credibilitat a çò que se pensava pas. Minjar grana entièra non dona mai calorias.
Un estudi amb divèrsas diètas
Maugrat que pendent las doas primièras setmanas los participants mangèron lo quite aliment, aprés comencèron a minjar una dièta rica en grana entièra unes e grana rafinada e rica en fibra los autres.
La tòca del contraròtle dietàri èra estudiar los efièches de la grana entièra restacada amb la grana refinada – que totes disián qu’ajudava a perdre pes pr’amor de la pèrda fecala. Mas l’estonament arribèt aprés 8 setmanas en tot mesurar lo pès, nivèl de metabolisme, glucosa en la sang e calorias fecalas e fam.
Los qu’avián manjat grana entièra avián patit una pèrda d’energia calorica per causas fecalas mai grana que los qu’avián minjat grana rafinada. La causa d’aquò foguèt pas per mai fibra mas per l’efièch qu’aquela aguèt sus la digestion d’autras calorias. A mai, e segon d’autres estudis scientifics anteriors, los que faguèron aquel estudi creson que la pèrda de calorias aviá pas l’ingestion de fibra coma soleta causa. Per tot aquò, confirmèron que la dièta amb una grana entièra dona mai beneficis a la santat umana que non l’autra, contràriament a l’opinion generala que i a uèi lo jorn.
L’estudi atanben confirmèt que l’ingestion jornalièra de grana entièra auriá d’èsser un minim de 90 grams per las femnas e 120 grams pels òmes. Aquò seriá coma minjar entre 1,5 e 2 tassas d’arròs cada dia.
La Redaccion
