Una seria sasonièra de cinèma mut, après la Vida de Jobyna Ralston (Silent Film Newsletter, 1993).
L’ESTRECH MOSQUETAIRE (1922)
(L’etroit Mousquetaire)
de Max Linder.
La comedia slapstick de Max Linder, L’Estrech mosquetaire (Fr. L’Etroit mousquetaire, U.S. The Three Must-Get-Theres) – «Un Conte del Gai Paris» – es una imitacion de convencions narrativas e comicas e una paròdia de Les Trois mousquetaires de Douglas Fairbanks (1921).
Èra un veicúl excelent pel talent de Jobyna Ralston (nascuda lo 21 de novembre 1900) al costat de Linder. Òm pòt tanben dire una preparacion sus la part de Joby per sas comedias ab Harold Lloyd, que desvoloparián lo talent de Joby pas unicament per la comedia mas pel pathos tanben.
Jobyna jòga lo rotle de Constança, la polida de Dart-in-Again (Max Linder) e serventa de la reina (Caroline Rankin). La reputacion virtuosa de la reina es la responsabilitat de Dart-in-Again e los tres mosquetaires Walrus, Octopus e Porpoise. En oposicion es lo Cardinal Rich-Lou (Bull Montana), e l’obratge deu plan d’excusas a Dumas, que podèm ben absoldre pr’amor de sa panoplia de convencions picarescas e umorosas.
Un film per rire
Variety indiquèt lo fach que los subtítols èran egalament umoroses coma l’accion, e lo nomenèt «un fum de rire pels qu’avian vist la produccion de Douglas Fairbanks». La tròpa de juglors Mezetti (Jack Richardson, Clarence Wertz e Charles Mezetti) joguèron los mosquetaires, e lo slapstick de Linder exprimit son talent al mielhs. Lo jornalista de Variety escriguèt tanben de Jobyna qu’ela es fòrt bela, e ajostèt qu’es una «descobèrta». (Que pensavan egalament plusors altres, i comprés Harold Lloyd).
Joby revelèt a Alice Tildesley coma caliá s’abillar de la bodicia de Marguerite de la Motte, mas qu’ela talament plata que se resemblava un balai. Per mejan d’aquest film èra establida la carrièra de Joby, e s’inscriguet en la Companhia Hal Roach ont produssiá un bel nombre de pichotas burlescas, d’aperaquí seissanta.
Anthony Walker*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
