INTERNET JA ES MAI VISITADA PER DE BÒTS QUE NON PER D’UMANS
Segon plusors expèrts, Internet ja es mòrta, pr’amor que los bòts ja visitan plan mai la meteissa que non los umans. Los umans ja sèm una minoritat en Internet. Las donadas pòdon o demostrar. Es pas l’IA sola. Segon Matthew Prince, dirigent de Cloudflare, los agents de l’IA ja an demanat plan mai poder navegar de biais automatic que non los meteisses umans. E aquò vòl dire que sèm a mand de veire contenguts creats pels meteisses robòts virtuals. Lo prètzfach ja foguèt avertit pels expèrts Jake Renzella e Vlade Rozova en 2024.
Aquela èra la teoria que confirmava que lèu Internet seriá creada per de bòts e d’algoritmes. Segon aquesta teoria Internet es pas pus organica dempuèi l’an 2016. Segon lo dirigent de Cloudflare aquò ja èra esperat mas òm pensava qu’arribariá en 2027. Uèi ja es real.
Un estudi prigond
Segon un estudi de la distribucion de demandas de sollicituds HTTP per part de bòts automatitzats aquestes ja arriban al 57,3%. Per contra, las demandas umanas a continguts HTML sonque demorarián en un 42,7%.
Dins l’estudi foguèron analizats los bòts tradicionals, com aqueles que cercan e los sistèmas automatics e encara d’agents de l’IA mai e mai presents. E aquestes ja visitan milièrs de còps un numeric per poder aver d’informacion, respondre qüestions e i trabalhar com o farián los umans.
Se pòt veire amb aquò doncas que la tecnologia daissèt endarrièr l’uman. Se un uman visita un pauc divèrses numerics, l’agent de l’IA pòt aquò far en plan mens temps e las visitas seràn de milièrs de numerics.
Es justament aquò çò que fa que lo tràfec d’Internet venga mai naut los darrièrs meses. E aquò cambièt Internet. Lo nòu ritme estonèt lo meteis Matthew Prince. E los agents e los bòts ja visitan mai Internet que los umans. Es lo primièr còp qu’aquò se debana en Internet. Serà per totjorn ? Pr’amor que, se es aital, Internet demorarà quicòm plan desparièr de çò qu’èra estat fins ara. Benlèu l’Internet serà mòrta alara.
La Redaccion
