ES TRAPADA UNA SUPERTÈRRA PRÈP DE L’ESTELA NANA ROSS 508
De scientifics japoneses descobriguèron una exoplaneta del tipe Supertèrra en tot utilizar la tecnica de velocitat radiala. L’exoplaneta es situada dins la zona d’abitabilitat de l’estela nana Ross 508. La còla que la trapèt soslinhèt qu’aquel tipe d’exoplanetas pòdon plan èsser trobats prèp d’estelas solaras o de massa bassa coma d’estelas nanas rojas a mai d’estelas plan evolucionadas.
Segon Hiroki Harakawa, de la còla de cercaires que trapèt aquela Supertèrra “las estelas de tipe M, coma Ross 508, son de luòcs ont benlèu es mai aisit poder i trapar d’exoplanetas coma la Supertèrra ara trobada, pr’amor que son d’estelas plan pichonèlas que permeton d’orbitas plan prigondas. A mai d’aquò, la basa lutz de l’estela provòca qu’aquelas exoplanetas sián mai mai pròchas a l’estela. Pasmens, l’amplor de la velocitat radiala de la meteissa es tanben mai longa”.
“Totun, i a pas tantas descobèrtas d’exoplanetas prèp d’estelas nanas frejas, çò apondèt Harakawa. La Supertèrra trobada es prèp de Ross 508, una estala nana fins a cinc còps mai pichona que lo Solelh, e es a 36,5 annadas-lutz de la Tèrra, en la constellacion de la Sèrp”.
4 còps ager que la planeta blava
L’exoplaneta descobèrta es estada nomentada Ross 508b e es fins a quatre còps màger que nòstra planeta. L’orbita de Ross 508b es de 10,77 jorns e es a sonque 0,054 UA o unitats astronomicas de la sieuna estela.
Los cercaires tanben volguèron precisar qu’aquela orbita provòca una situacion limita, pr’amor qu’aquesta Supertèrra es situada gaireben en la fin de la zona d’abitabilitat. A mai d’aquò, los cercaires confirmèron que la nòva Supertèrra Ross 508b foguèt descobèrta amb una tecnica coneguda coma velocitat radiala a travèrs del telescòpi de Subaru. Segon los cercaires aquela tecnica nòva ara ajudarà a trobar mai d’exoplanetas coma aquela e aquò es plan important a l’ora de dessenhar una mapa de la diversitat dels sistèmas planetaris.
“L’exploracion d’exoplanetas actuala es realizada pas sonque amb de telescòpis terrestres mas tanben amb d’autras tecnicas, coma la velocitat radiala, e d’espectogràfes coma HPF, CARMENES o encara SPIROU, çò diguèt Harakawa. E aquò menarà a mai descobèrtas, sustot al torn d’estelas nanas pr’amor que l’escasença d’i trobar d’exoplanetas ailà es pus nauta. L’estudi de la descobèrta astronomica de Ross 508b serà publicada al numeric Publicacions de la Societat Astronomica Japonesa.
La Redaccion
