ES NOMENTAT LO DINOSAURE MAI GRAND DE LA PLANETA
Après aver trobat plusors fossils de titanosaure, una còla d’arqueològs a decidit balhar nom al dinosaure que poiriá èsser uèi lo jorn lo mai grand jamai trobat en la planeta. En competéncia amb Dreadnoghtous que ja ne parlèt Sapiéncia al sieu moment, Patagotitan es ara lo titanosaure mai grand que jamai demorèt en la Tèrra. E i visquèt fa 101 milions d’annadas.
La descobèrta dels fossils foguèt realizada en la bòria de La Flecha, en la Patagònia argentina en 2013. Après un estudi prigond, los arqueològs an volgut li balhar finalament un nom scientific e poder aital parlar d’aquela nòva e giganta espècia de titanosaure: Patagotitan mayorum- la familha propietària de la boira La Flecha son los Mayo -.
Segon la còla paleontologica que descobriguèt lo dinosaure fasiá mai de 40 mètres de longitud e pesava mai de 70 tonas. Totun, los fossils trobats soslinhan que los sieus especimèns de Patagotitan descobèrts en aquel luòc èran joves e qu’encara poirián èsser mai longs coma adults.
Èra tan long lo sieu còl – prèp de set estanças d’una bastida, que quilhava pas lo còl e aital podiá manjar melhor. Segon los scientifics qu’an publicat ara, lo sieu nom après lo classar al jornal Proceedings of the Royal Society B lo sieu pes èra coma lo de 14 elefants africans e la longor coma dos dels camions mai longs que i a, l’un après l’autre. Aquelas caracteristicas farián de Patagotitan, dison aqueles paleontològs, l’animal mai grand que jamai a marchat sus la Tèrra.
Una espècia giganta
Dinosaures coma Tiranosaurus Rex semblan noms al costat d’aquel titanosaure “coma se foguèsson leons prèp d’un elefant – çò diguèt Diego Pol, coautor de l’estudi -. “Sèm estats uroses de trobar unes fossils plan bons. Lor estat èra fòrça bon. Èran en plan bonas condicions. Un fach totalament pauc abitual en paleontologia”.
Segon los scientifics, après la descobèrt dels primièrs uasses descobriguèron qu’èran espècimens joves de la meteissa espècia de titanosaure, mòrts en epòcas desparièra al quite luòc. “Èran espècimens adolescents – çò diguèt José Luis Carballido, tanben coautor de l’estudi e classament dels uasses-“.
Per ansin, d’autres paleontològs an confirmat que la descobèrta e l’estudi ara publicat son un trabalh magnific. Segon Kristi Curry Rodgers, del Macalester College “ aquò vòl dire plan qu’encara pòdon aver mai espècias encara mai grandas en la planeta e que son pas encara estades descobèrtas”.
Totun, lo cran foguèt pas trobat. Es un dels troçes d’esqueleta mai malaisits de trobar dels dinosaures. Patagotitan solament poguèt aufrir una dent e pro. La trobalha confirma qu’America del Miègjorn foguèt una region ont los dinosaures evolucionèron de manièra independenta. Mas cossí e perqué foguèron tan grands ? Benlèu per la naissença a l’epòca de las plantas amb flors ? Responsas que la paleontologia d’uèi encara a pas
Christian Andreu*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
