ERA INTELLIGÉNCIA DE T. REX
Ua còla de cercaires, estudièc un aute còp es mesures e era estructura deth cervèth de diuèrsi dinosaures, tanben de T. Rex. Es resultes der estudi confirmen qu’aguest dinosaure auie era intelligéncia mesalèu d’un reptil e non d’ua mona, com auien afirmat diuèrsi estudis recents.
En un estudi hèt en 2023 era neurològa Suzana Herculano-Houzel afirmava que grani dinosaures coma T. rex auien fòrça neurones e que, pr’amor d’açò èren plan mai intelligenti que non se sabie. Herculano-Houzel auie dit que fòrça neurones èren senhal clar d’ua nauta intelligéncia e que T. Rex auie ua conduita plan semblanta a era d’un macac o d’un baboïn.
Tecniques polemiques
Ara un nàu estudi publicat a The Anatomical Record e dirigit per Kai Caspar (Heinrich Heine University, Düsseldorf, Alemanya), Cristian Gutierrez-Ibanez, dera Universitat d’Alberta, en Canadà e Grant Hurlburt, deth Royal Ontario Museum de Toronto, analisèc es tres tecniques usades entà mesurar eth cervèth e es neurones des dinosaures. Era còla canadiana trapèc qu’era conclusion sus es mesures deth cervèths de qualcuni dinosaures e eth sòn nombre de neurones non èren bones.
Atau, eth nàu estudi afirme qu’er estudi hèt per Herculano-Houzel auie valorat massa es mesures deth cervèth des dinosaures e tanben eth sòn nombre de neurones. Tanben afirmèren qu’eth nombre de neurones non ei un senhal clar d’intelligéncia en çò des animaus.
“Parlar dera intelligéncia d’espècies escandilhades sonque damb ua idèia des neurones, non ei un bon camin entà descorbir era madeisha. Es neurones non son senhal clar d’intelligéncia e ne parlar d’espècies escandilhades pòt menar a idèes fauses, çò diguec Ornella Bertrand, cercaira der Institut Catalan de Paleontologia Miquel Crusafont (ICP).
Segontes aguesta còla de cercaires donques, es donades actuals suggerissen que dinosauri coma T. rex non èren tan intelligenti coma es mones e que mesalèu auien ua conducta plan semblanta ara des crocodils. Aguesti animals an ua condunta plan complèxa e açò non pòt èster considerat coma mens intelligéncia. De hèt, es nàues donades confirmen qu’es dinosaures èran tant intelligenti coma es reptils.
“Pensar que T. rex auie ua intelligéncia tan nauta coma era d’un baboïn actuau qu’ei fausa e òrre, çò diguec eth paleontològ Darren, dera Universitat de Southampton, “mès en nòste estudi auem fòrça donades que son contràries ad açò. Auien ua intelligéncia mesalèu coma era des crocodils e açò tanben ei estonant”.
“E calie hèr aguest article enà demostrar ath public qu’es dinosauri èren intelligènti, quiòc, mès non tan, çò apondec Caspar. Entà bastir era biologia escandilhada d’espècies deth passat aguesta còla considèra que cal auer evidéncies diuèrses cèrtes, coma era anatomia entièra deth esquelet der animau, era istologia des uàssi o encara es rèstes fossiles des animaus, çò diguèren es cercaires”.
Era Redaccion
