ER UNIVÈRS, EN DESACELERACION
Cercaires dera Universitat de Seol, en Corèa an hèt un estudi que demòstre qu’er Univèrs ja a entrat laguens ua fasa de desaceleracion. Er estudi hè dobtar sus era teoria que ditz qu’era energia escura provòque qu’es galàxies siguen mès lonh es ues des autes. Se aguesta naua teoria ven confirmada, poirie provocar un cambi de pensada ath torn dera energia escura, que poirie èster des d’ara estudiada d’un aute biais.
Pr’amor que es darrèrs 30 ans es astronòms an pensat qu’er Univèrs ère en tot espandir-se empentassat pera energia escura e qu’aguesta serie un tipe d’antigravetat. Aguesta madeisha idèia auèc un prèmi Nobel en 2011 de Fisica. Totun, eth professor Young-Wook Lee d’aguesta universitat didec qu’an trapat evidéncies que cèrts tipes d’esteles pateishen fòrça pr’amor des sues esteles pairs.
“Er Univèrs a entrat en ua fasa de desaceleracion e era energia escura se mò plan mès rapid de çò qu’auiem pensat , çò didec eth professor, Se era nòsta teoria siguèsse demostrada, fin finau, representarie un paradigma, eth mès gran des que siguec descorbida era energia escura hè 27 ans ».
Ua naua fasa
Aguestes esteles, es supernòves brilhen fòrça mens e es esteles mès ancianes brilhauen fòrça mès. Es cercaires podèren confirmar qu’et 99,99% des 3.000 esteles estudiades, actuaven atau. E açò hè sospechar qu’es supernòves son esteles consecuéncia deth passat der Univèrs. Se açò ei corregit, aguestes esteles poirien èster estudiades damb espectrocòpis d’energia escura. Jamès usats entà açò hèr.
Era correccion des donades des supernòves remarcarien qu’era energia escura ven de mès en mès febla. E qu’er Univèrs ei aué en fasa de desaceleracion e que non accelerarà lèu mès. Maugrat qu’encara accelère aué.
Entà poder confirmar era sua teoria, es cercaires coreans estudien es supernòves damb metòdes naus. Diden qu’es prumères observacions confirmen es sues donades e era sua naua teoria. « Pendent es pròplèus cinc ans seràn estudiades 20.000 supernòves e se es donades contunhen atau pensam qu’auram entrat en ua naua estapa damb ua pensada naua diferenta, çò dideren es cercaires coreans. Er estudi siguec publicat en numeric Monthly Notices of the Royal Astronomical Society.
Era Redaccion
Fotografia principau: NASA Goddard Photo and Video/CC
