DESCOBÈRTA L’ESTRUCTURA DE FUSTA MAI ANCIANA DE LA PLANETA
Es estada descobèrta en Zambia çò qu’es l’estructura de fusta pus antica de la planeta, e qu’a 476.000 ans. Los arqueològs la trapèron a Kalambo Falls, en Zambia, e a pas cap parallel amb d’autras estructuras de fusta abans trapadas de l’umanitat pus primitiva. Per ansin, se pòt considerar ja coma l’estructura de fusta mai anciana de l’umanitat jamai trobada.
Las estructuras de fusta en arqueologia son malaisidas de trobar, perque çò de mai normal es que demòran pas. Aital, d’estructuras de fusta del Paleolitic Luenh son fòrça raras e sonque demòran jos de condicions excepcionalas de preservacion. Pr’amor d’aquò, los arqueològs son pas segurs encara a l’ora de confirmar quand foguèt lo primièr moment que nòstra espècia a los nòstres ancessors comencèron a las usar.
“Amb aquesta descobèrta cal cambiar cossí pensam que vivián los nòstres ancessors, çò diguèt Larry Barham, de l’Universitat de Liverpool. Podèm pas pus dire Edat de Pèira, pr’amor que son d’individús que ja bastissián d’estructuras, e damb fusta”.
Per ansin, e segon Barham, aqueles individús preïstorics usèron la sieuna intelligéncia e la sieuna imaginacion e abilitats per crear una bastida totalament nòva, jamai abans bastida. E cambièron l’environament per assajar d’aver una vida melhor e pus aisida. E o faguèron amb sonque una plataforma per ont marchar prèp del flume. Son d’ancessors plan pròches a nosautres ».
Una plan antica estructura de fusta
Lo prètzfach es que Barham e d’autres cercaires descobriguèron una plan antica estructura de fusta a Kalambo Falls, a mai de 235 mètres sus lo saut d’aiga del meteis nòm. Lo luòc es situat a la frontièra de Zambia amb Tanzania e plan prèp del Lac Tanganika.
L’estructura qu’es demorada son sonque dos tròces de fusta crosats transversalament per d’ominins. La part superiora èra estada copada e tanben i avián d’autres senhals de trabalh uman en ambedoas fustas. Los pals poirián èsser estats usats per bastir una plataforma sus lo flume per poder i marchar aisidament, mai que mai quand i avián d’inondacions.
“Cal cambiar lo vejaire sus aquela epòca. Aqueles òmes èran pas nomadas, çò diguèron los cercaires. Avián l’aiga coma sorça de noiridura mas la forèst que i aviá al torn tanben balhava d’ajuda a l’ora de bastir d’estructuras de fusta e poder viure al luòc ».
L’edat de los pals de fusta foguèt determinada amb de luminescéncia. Trapar l’edat de los meteisses a, segon los cercaires, mai d’una consequéncia, car permet conéisser plan melhor cossí se passèt l’evolucion umana. A Kalambo los cercaires tanben trobèron quatre troçes mai de fusta amb una edat d’entre 390.000 e 324.000 annadas. La descobèrta d’aquela estructura es estada publicada al numeric Nature.
La Redaccion
