COSSÍ UTILIZAR UN TRAUC NEGRE
Maugrat que la majoritat dels articles an coma basa d’estudis empirics scientifics qu’afirman o pas un fach cèrt, uèi volèm balhar la votz a una teoria nòva de Gavrav Kahanna, fisician de l’Universitat de Massachussets, sus cossí utilizar un trauc negre per poder viatjar amb una nau espaciala a travèrs l’espaci. Es una teoria, au mens, estonanta.
Aquela teoria arriba après se demandar mai d’un scientific se èra possible viatjar a travèrs d’un trauc negre. Una còla de fisicians o estudièt e n’aguèt de conclusions (teoricas) tras que susprenentas. Maugrat tot çò que totes podèm pensar coma afogats de la sciéncia, la fantasia poiriá èsser mai pròcha de la realitat que non imaginam.
Los traucs negres son encara uèi un dels objèctes espacials mai misterioses. Son la resulta de la destruccion d’una estèla pr’amor de la pression que las convertís en d’objèctes de l’Univèrs amb una densitat infinita. Mas aquò poiriá obrir, segon qualqu’unes fisicians, la pòrta a de viatges per l’iperespaci pr’amor que se poiriá anar plan en tot far grandas distàncias dins un brèu periòde de temps. Cossí ?
Una còla de l’Universitat de Massachussets e del Collègi Georgia Gwinnet mostrèron que pas totes los traucs negres son parièrs. Un coma lo de Sagitari A es pro long e gira totjorn e aquò pòt voler dire viatjar amb de seguretat dins l’espaci. La rason seriá qu’es un trauc negre tecnicament flac e que ne una nau espaciala nimai lors tripulants patirián cap mal en i viatjar.
Lo det que crema
Per o explicar plan los scientific d’aquela còla expliquèron que (teoricament) quora bolegam lo det sus una flama pro lèu i a pas cap de cremada. Çò de meteis se debanariá dins un trauc negre coma aquel. Ja en 2016 la fisiciana Caroline Mellary volguèt far recèrca sus tot aquò e bastiguèt un modèl informatic per estudiar se una nau espaciala podiá viatjar dins un trauc negre coma Sagitari A.
Totas las resultas informaticas confirmèron que lo viatge espacial d’aquela nau seriá pas infinit. Maugrat que i poiriá aver cap de movement per part de la nau espaciala, lo viatge seriá plasent e segur. Mas solament dins aquel tipe de traucs negres. Dich d’un autre biais, los individús que i auriá dins aquela nau patirián cap perilh.
Lo modèl informatic de Mellary permet doncas n’aver de conclusions pro simplas segon lo contèxt espacial del trauc negre. La principala es que un trauc negre es isolat de l’espaci que i a al torn e patís dins cap de problèma coma o pòdon patir d’estèlas prèpas al quite trauc negre. E aquò que los traucs negres son sovent envoltats de polvèra, gas e radiacion.
Per ansin, seguir la teoria de Mellary segon Gavrav Kahanna e Lior Burko, qu’an estudiat la fisica dels traucs negres, permet situar lo problèma en una soleta qüestion. Se pòt far o pas ? Cal estudiar d’una manièra pus prigonda aquela qüestion scientifica pr’amor que, teoricament se poiriá viatjar per l’iperespaci a travèrs d’eles.
Val pas dire que uèi lo jorn aquel trabalh pòt pas èsser demostrat scientificament pr’amor de la tecnologia actuala umana. Mas sèm al temps que ja se parla obertament de viatges amb d’energia o vent solar e que de segur i a mai de vida en d’autras planetas. Pòt èsser aquò vertadièr? Aital o confirman de fisicians estatsunitencs. Solide que cal ara o estudiar d’una manièra mai prigonda. Aital es la sciéncia.
La Redaccion
