
COSSÍ LAS PLANTAS CONQUISTÈRON LA TÈRRA
Los genòmas del mond balhan d’indicis sus cossí las plantas conquistèron la terra. Fa mai de 450 milions d’annadas, las plantas comencèron la transicion de l’aiga a la tèrra seca. D’entre los primièrs pionièrs i aviá los ancessors de l’umila corna, un grop de plantas pichonas qu’an persistit fins uèi lo jorn. De nòvas recèrcas revelan los plans genetics de la corna, a mai de poder descobrir l’evolucion de las plantas e los primièrs jorns de la siuena vida sus tèrra.
“Comencèrem en descodificar los genòmas de dètz espècias de corna, representant totas las familhas conegudas d’aquel grop de plantas unic,” çò diguèt Peter Schafran, de l’Institut Boyce Thompson (BTI) e primièr autor de l’estudi. “Çò que trobèrem èra pas esperat: las èrbas an mantengut de cromosòmas estables malgrat evolucionar desseparadament dempuèi mai de 300 milions d’annadas.”
Pas de duplicacion genetica
A diferéncia de fòrça plantas, la corna an pas conegut de duplicacion de genòma (ont lo material genetic entièr d’un organisme es duplicat). Aquesta abséncia de duplicacion resultèt en d’autosòmas” estables — los cromosòmas que contenon la màger part del material genetic d’un organisme – e que son demorats relativament pas cambiats a travèrs de lor istòria evolutiva.

Pasmens, totas las partidas del genòma de la planeta son pas tan aital. L’estudi revelèt la preséncia de “cromosòmas accessòris” — de material genetic suplementari qu’es pas essencial per subreviure mas que pòt balhar de beneficis suplementaris. Aquestes cromosòmas accessòris son fòrça mai dinamics, evolucionant lèu lèu e variant tanben en de plantas individualas. A mai, l’equipa de cercaires identifiquèt de cromosòmas sexuals potencials dins qualcunas espècias, e recebèt mai de lutz sus l’evolucion de las plantas.
L’estudi, foguèt publicat fa pauc al numeric Nature Plants, e balhèt tanben d’informacion sus de traches especifics de las plantas. Aital, los cercaires descobriguèron d’informacions nòvas suls gèns implicats en la produccion de flavonoïdes (de pigments que protegisson contra la radiacion UV), la formacion d’estomatas (pichons pòrs de l’escambi de gas), e la senhalacion d’ormonas. Las descobèrtas ajudan a afinar la nòstra compreneson sus cossí las primièras plantas terrèstras s’adaptèron a lor environament nòu.
La recèrca genetica del projècte sus las èrbas ne fa lo grop de plantas mai sequenciat per rapòrt al nombre total d’espècias. En crear un ensemble de donadas complet “pan-phylum”, l’equipa de recerca a desvolopat una ressorsa per ajudar los scientifics a comprene cossí la vida sus la Tèrra evolucionèt. Proveís d’informacion sus cossí las plantas poirián s’adaptar a de problèmas environamentals futurs e poder concebre de culturas mai resilientas.
“La nòstra recerca demòstra l’importància d’estudiar d’organismes divèrses, e pas sonque d’espècias modèls conegudas,” çò diguèt Fay-Wei Li, professor a BTI. En espandir la nòstra coneissença del mond, avèm un imatge mai complet de l’evolucion de las plantas e l’incredibla diversitat de la vida sus nòstra planeta.”
La Redaccion
Fotografia principala: Mycatkins/CC.