America deu Sud travèrsa ua de las pégers èrsas de calor de la soa istòria, dab temperaturas entre 10ºC e 20 °C superioras a las normaus de l’epòca. Com explicar aqueste fenomèn ?
Après los 41,8 °C enregistrats a Cuiabá, a Brasiu, a la mieitat d’agost, las Andes chilianas an coneishut temperaturas d’enquia 39 °C, mas la temperatura normau a l’epòca se situa a l’entorn de 18 °C. E lo fenomèn pòt èster trapat pertot : 40,2 °C a San Joao Piaui, en Brasiu ; 39 °C en Nava, en Colombia, 39 °C enTarapoto, Peró, 38,5 °C a Barra, en Brasiu, o 35,8 °C en Mabaruna en Guaiana.
Brasiu ei actuaument ua de las zònas mei tocadas per aquera calor, dab Chile, Argentina e Paraguai. Lo mes de julhet qu’ei estat lo mei caud enregistrat en Brasiu despuish hè mei de 60 ans.
L’origina a dus fenomèns
Al calimàs ivernau, que’s retròba tanben en Euròpa e Canadà i a un dòma de calor, ligat a un blocatge anticiclonic despuish la debuta de l’ivèrn austrau. Si, a la debuta de l’ivèrn, El Niño n’avèva pas drin d’impacte, s’ei ahortit despuish quauquas setmanas. E comença d’ara enlà d’influenciar la metèo tota en America meridonau : las fasas d’El Niño balhan lòc a ivèrns mei cauds, mes pas tostemps ivèrns recòrds.
America deu Sud a donc duas honts de rescauhament : la provienent de las emissions de gas d’efèit de sèrra d’El Niño; 38 °C en ivèrn : tres setmanas de calor en Chile, Argentina o Brasiu. Qu’a hèit près de 40 °C aquestes dias en America deu sud mentre qu’en aquera region ei plen ivèrn.
A Buenos Aires, qu’a hèit 30 °C lo 1èr d’aost, mentre que la temperatura mejana ad aquera epòca ei de 14 °C. A Rivadavia, lo mercuri qu’ei montat dinc a 38 °C. Valors incrediblas de 30 a 35 °C que son estadas relhevadas enter 1.000 e 1.400 mètres de nautada a las Andes. Daubuns lòcs qu’an batut los lors recòrds absoluts de calor e en aqueras vilas, las temperaturas son estadas mei nautas en ivèrn qu’en estiu !
Com explicar ua tau calor per aquera epòca ? Un dòma de calor qu’ei blocat suu sud deu continent american despuish la mieitat de julhet, en ligam dab un poderós anticiclòne. E la calor s’a podut intensificar aquestes dias.
La diferéncia dab los autes dòmas de calor de 2023 en Euròpa o Africa, lo d’America deu Sud que’s produseish en plen ivèrn. Lo mes d’aost dens l’emisfèri sud correspon en efèit au de heurèr dens l’emisfèri nòrd. Ua anomalia termica plan accentuada peu rescauhament climatic, e peu fenomèn El Niño, enqüèra tròp feble entà aver jogat un ròtle important dens aqueth calimàs.
La Redaccion
