A l’illa de Capri, Itàlia, i a una de las caunas mai bèlas de tota la planeta: la Cauna Blava. Es una tuta cobèrta en part per la mar e dins, l’aiga demòra coma se i aguèsse lutz dedins. La beutat de la cauna e la siá aiga es tras qu’estonanta e per aquò se pòt arribar a dire que cal, aumens, la visitar un còp.
A l’illa de Capri i a fòrça mai caunas sosmarinas mas benlèu es la cauna blava la mai polida de totas elas. Çò de segur es qu’aquela cauna es la pus visitada de tota l’illa e la legenda ditz que los quites emperaires romans i anavan per arrestar, un còp dins la cauna, los problèmas de l’empèri de la vida vidanta.
La cauna a d’aiga d’una color blava clara e semblariá èsser illuminada en la siá part pus inferiora. Aquò a coma causa principala una dubertura que i a en la part inferiora de la cauna que daissa intrar la lutz solara en tot crear un airal aquatic amb de lutz e una color unica en la planeta.
Sonque se pòt arrivar a La Cauna Blava (Grotta Azzurra) per via maritima, a travèrs d’una pichona dubertura de 2X2 mètres, e que pr’amor del nivèl de la mar daissa solament un mètre de nautor per i poder dintrar plan, e la majoritat dels còps cal s’estirar sus la barca per arrivar a l’interior de la tuta.
La Catedrala Blava
Dins i a un espaci estonant conegut coma la Catedrala Blava. La beutat e amplor d’aquel espaci es plan estonant; fa 20 mètres de longor e 25 mètres d’ample. La siá nautor arriba als 22 mètres. Per poder i dintrar cal anar totjorn acompanhat d’una guida e sus la barca sonque i pòdon anar fins a quatre personas per rasons de seguretat. La guida mostrarà la sonoritat de la cauna e las limitas que pòdon jamai èsser crosadas.
Al fons de la cauna i a divèrsas duberturas sus l’aiga que comunican aquesta tuta amb una cauna prèpa, la Cauna Guarracini. A drecha tanben pòdon èsser agachats divèrses traucs qu’an coma causa principala l’umiditat del luòc. Encara i a d’autres passatges sosterranis que condusissián al dedins de la cauna e que son, uèi lo jorn, parcialament barrats : òm pensa que pendent l’edat antica unissián la cauna amb de tombèls romans que i a l’illa.
En la nomenada zòna sud-occidentala de la Cauna Blava i a una plataforma creada pels romans que condusís a la Galariá dels Pilars e qu’arriba fins a la cambra dels Noms, un luòc ont los visitants i daissèron lors noms fa sègles. Puèi, i a mens e mens nautor, e la cauna ven pus e pus estrecha. Es ailà ont la guida finirà la visita, car en aquel airal de la cauna i a de gases qu’arrestan poder alendar plan e doncas l’aire es verinós pels umans.
Segon una autra legenda seriá estat l’artista polonés Kopisch l’òme que descobriguèt la cauna mercés a un pescaire de l’airal que volguèt li ensenhar un dels luòcs pus polits de l’illa de Capri en l’an 1826. Uèi per la visitar cal anar totjorn amb un marinièr professional en tot daissar la pòrt de Marina Granda e s’i pòt arribar per un prètz d’aperaquí 14 euros. La cauna pòt èsser tanben visitada a través d’un servici privat e mai temps per la visitar per 150 o 200 euros. Jamai, pasmens, es autorizar de s’i banhar.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
