Home ISTÒRIA QUE TROBÈN L’ANJÒU DEU HÒBBIT
QUE TROBÈN L’ANJÒU DEU HÒBBIT
0

QUE TROBÈN L’ANJÒU DEU HÒBBIT

0
0

Lo hòbbit, qu’ei lo nom popular d’Homo floresiensis, un ominides pro petit que demorè sus l’Isla indonesiana de Flores, qu’a adara un anjòu. Las navèras tròbas fossiles descobèrtas sus aquera isla per l’equipa deu doctor Gert van der Bergh qu’an 700.000 annadas.

hobbit
Las navèras tròbas fossiles descobèrtas sus aquera isla qu’an 700.000 annadas.

Aquò que hè lutz sus l’origina d’Homo floresiensis, un èste ominides qui dividiva la comunautat scientifica pr’amor d’aquesta origina qui n’èra pas guaire coneishuda. Pr’amor d’aquò l’equipa internacionau de Gert van der Bergh, de l’Universitat de Wollongong, en Austràlia, que confirmè que sus l’isla e demorè la populacion ancestrau pendent lo Pleistocèu Miei, hèra de temps abans qu’ac pensavan.

Las tròbas includín un tròç de maisherar e sheis dents d’adulte e dus mainats e estón publicats en la revista scientifica Nature. Que descobrín que l’anjòu d’Homo floresiensis e demorè sus l’isla de Flores 500.000 annadas mei lèu qu’ac pensavan. “Los fossiles qu’an d’un biaish segur -700.000 ans – çò confirmè Gert van der Bergh”.

Un arbó genealogic mei complèxe.

“Aquera tròba qu’ei la d’un ominides, aquò qu’ei segur – çò digó van der Bergh -. La nosta comprenença sus la dispersion umana e l’evolucion per la region ei adara mei segura. Los scientifics que digón a tòrt qu’Homo florensiensis èra un uman malaut”.

Liang-Bua-Cave
La majoritat de rèstas d’Homo floresiensis an estat trobadas en la tuta de Liang Bua.

Enlà d’aquò, la morfologia de las dents fossiles trobadas que suggerín qu’aqueth linhatge uman estó lo d’un èste nan qui demorè hèra de temps despuish qu’Homo erectus arribè sus l’isla de Flores. Las tròbas fossiles que confirmèn qu’Homo floresiensis avèva la soa petita talha despuish 700.000 ans, e açò abans d’arribar sus l’isla de Flores.

“Qu’ei ua suspresa totau. Qu’avem trobat apèrs de pèira per la medisha region qui an mei d’un milion d’ans – çò digó van der Bergh. Aquò vòu díser que lo linatge uman qu’estó present sus l’isla de Flores 300.00 ans abans l’epòca presumida”.

Aquò confirmaré qu’Homo floresiensis avó com anjòu Homo erectus e qu’avèva dejà las soas mesuras abans d’arribar tà Flores. Ua pèça mei en la cadena evolutiva de l’èste uman, de mau compréner quiò, mes passionanta totun.

La Redaccion

LEAVE YOUR COMMENT

L'adreça electrònica no es publicarà. Els camps necessaris estan marcats amb *