Home GEOGRAFIA QUINA EDAT A LO FLUVI NIL ?
QUINA EDAT A LO FLUVI NIL ?
0

QUINA EDAT A LO FLUVI NIL ?

0

Lo fluvi Nil, considerat lo mai long de la planeta (6650 Km) a una origina misteriosa. Fins a uèi lo jorn de cercaires suggeriguèron qu’aviá una edat de 6 milions d’annadas. D’autres encara afirmèron que la sieuna origina geologica èra fòrça mai anciana. Quin aviá la rason ? Ara un nòu estudi realizat per de geològs en divèrses païses africans confirmèt la sieuna edat. E poguèren demostrar que tot çò que s’èra dich sus la sieuna edat fins ara èra pas drech.

La topografia actuala d’aqueste fluvi a coma origina e causa dirècta lo replanat etiopian.

L’estudi geologic fach ongan sus lo fluvi Nil se debanèt tre fòrça dels païses per ont passa aqueste fluvi; Tanzania, Uganda, Ruanda, Burundi, Congo, Kenya, Etiopia, Eritrèa, Sudan del Sud, Sudan e Egipte. Foguèt pas aisit mas, fin finala, poguèt èsser determinada scientificament la sieuna edat.

“Una de las qüestions mai importantas que caliá respondre, çò diguèt Claudio Facenna, del Departament de Sciéncias de l’Universitat Roma Tre, èra perqué lo fluvi Nil es demorat totjorn tant long. La responsa foguèt estonanta. E a relacion amb los movements de la capa geologica pus prigonda de la planeta”.

Lo replanat d’Etiopia

Apuèi estudiar la circulacion fluida de ròca solida que i a jos la superfícia de la Tèrra a l’origina geografica del Nil, los cercaires descobriguèron que la topografia actuala d’aqueste fluvi a coma origina e causa dirècta lo replanat etiopian. I aurián doncas de fòrças geologicas intèrnas que butan lo replanat etiopian vèrs lo nòrd e que serián la causa mai segura del corrent actual del Nil. Alavetz, dempuèi quand se debana aqueste procès ?

L’origina se debanèt pendent la naissença geologica del replanat etiopian.

Calguèt estudiar tota l’istòria geologica del Nil, tanben d’erupcions volcanicas passadas dempuèi lo replanat etiopian fins al delta del Nil a la còsta mediterranèa egipciana. Sonque aital poguèt èsser determinada d’una manièra scientifica drecha l’edat del Nil. La responsa ? Pus de 30 milions d’annadas.

L’origina se debanèt pendent la naissença geologica del replanat etiopian fa pus de 30 milions d’ans. Un replanat que jamai cambièt ne sa posicion nimai sa orientacion pendent tot aquel temps. E que formèt lo bacin del fluvi Nil alavetz e qu’es demorat fins a l’ora d’ara. Per poder o afirmar los cercaires faguèron de recreacions informaticas de la region en çò que tòca als darrièrs 40 milions d’ans. L’estudi foguèt publicat al numeric Nature Geoscience.

La Redaccion

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.