Home DIVÈRSES NÒU SOSGENRE DE PLANTAS NOMENAT JAMESBONDIA
NÒU SOSGENRE DE PLANTAS NOMENAT JAMESBONDIA
0

NÒU SOSGENRE DE PLANTAS NOMENAT JAMESBONDIA

0

Sembla estonant. E o es. Una còla de botanics a nomenat un nòu sosgenre de plantas equatorialas amb lo nom de Jamesbondia per onorar James Bond. Aqueste foguèt un ornitològ fòrça conegut e l’escrivan Ian Flemming, autor dels romans de James Bond, utilizèt lo sieu nom per balhar vida al famós eròi de la intelligéncia anglesa.

images (1)
Lo nom Jamesbondia es estat utilizat per onorar James Bond, lo conegut botanic.

Jamesbondia es un sosgenre de flors tropicalas del grop Alternanthera. Lo sieu nom a estat balhat per Duilio Lamonico, de la Universitat de Roma Sapienza e Ivonne Sanchez-del Pino, del Centre de Recèrca Scientifica del Yucatan. La tòca d’aqueste nom èra onorar lo conegut ornitològ James Bond (1900-1989), que trabalhèt pendent d’annadas a la Cariba en tot recercar aucèls de l’airal.

Las quatre nòvas espècias de Jamesbondia son Alternanthera costaricensis, Alternanthera geniculata, Alternanthera olivacea e Alternanthera seryllifolia, que demoran mai que mai en America Centrala e las Illas de la Cariba. Aquestes dos botanics ja avián identificat aquest sosgenre de plantas en 1982 mas non l’avián classat fins a uèi lo jorn.

Un estudi filogenetic prigond

images
James Bond, la creacion de James Fleming, balha nom al nòu sosgenre de plantas tropicalas.

Segon aquestes botanics, aqueste nòu sosgenre de plantas a lo sieu nom pr’amor que una analisi filogenetica molecular prigonda e tanben la morfologia de las lors flors aital o justifican. Pr’aquò aqueste tipe de plantas an estat nomenadas amb lo nom de Jamesbondia.

La recèrca d’aquestes botanics a estat publicada al Jornal Oficial de la Societat Botanica Italiana laguens un estudi encara mai grand del biosistèma de l’airal jos lo nom “ Plant Biosystems, an International Journal Deeling with all Aspects of Plan Biology”.

Christian Andreu