Minjar tard qu’aumenta la hami, que diminueish las calorias cremadas e modifica los teishuts adipós. Se entà minjar san, se desaconselha de roganhar a miejanueit, adara un navèth estudi confirmè que minhar tard entraina ua diminucion de la despensa energetica e ua aumentacion de la hami mès tanben deus cambiaments dens los teishuts adipós que pòden aumentar lo risc d’obesitat.
L’obesitat tòca haut o baish fòrça personas de la nòsta populacion e provoca mei malaudias cronicas coma lo diabèta, lo càncer o encara d’autas infeccions. Adara un navèth estudi miat per cercaires deu Ospitau de Brigham qu’a revelat que lo hèit de minjar tard a un impacte significatiu sus la nosta despensa energetica, lo noste apetit e tanben las nostas vias molecularas dens lo teishut adipós. Los resultats que son publicats dens lo numeric Cell Metabolism.
Perqué minjar tard ei drin bon
“Que volèvam testar los mecanismes qui pòden explicar perqué minjar tard aumenta lo risc d’obesitat”, çò expliquè Frank Scheer, de l’Ospitau de Brigham. Recèrcas anterioras avèvan mostrat que minjar tard èra associat a un risc acreishut d’obesitat, e a ua aumentacion de la grèisha corporau e a ua pèrta de pes redusida. Mès volèvam compréner perqué.”
« Dens aqueth estudi, qu’avem demandat : « lo temps qui minjam qu’a importància quan tota la rèsta ei coherenta ? “E qu’avem constatat que minjar quate òras mei tard que hè ua diferéncia significativa entau noste nivèu de hami, la faiçon dont cremam las calorias après aver minjat e la faiçon dont estocam las grèishas.”
Atau l’equipa de cercaires qu’an estudiat 16 pacients dab un indici de massa corporau en suberpés. Cada participant qu’a completat un orari de repaish precòç estrictament programat, e dab los medishs repaishs, cadun programat, haut o baish ,quate òras mei tard. Entà mesurar com lo temps de minjar afectava com lo còs estòca las grèishas, los cercaires qu’an collectat biopsias de teishut adipós.
Los resultats qu’an revelat que minjar mei tard qu’avèva efèits pregonds sus la hami e las ormònas qui influéncian la nosta enveja de minjar. L’ormòna qui senhala la sacietat, qu’an diminuït pendent 24 òras dens las condicions d’alimentacion tardivas cap a las condicions d’alimentacion precòças. Quan los participants minjavan mei tard, que cremavan egaument de las calorias a un ritme mei lent que favorizan la creishença de las grèishas.
E adara los cercaires qu’explican qu’aqueths resultats son coherents dab un hum de recèrcas suggerint que minjar mei tard que pòt aumentar la probabilitat de desvolopar ua obesitat. Dens de futurs estudis, l’equipa qu’a per mira de recrutar mei de personas entà confirmar las lors descobèrtas.
La Redaccion
