La granda diversitat de fauna de la planeta aufrís tanben d’animals que pòdon s’amagar e plan dins l’environament ont demòran d’un biais brica comun. L’insècte nomenat Olcinia es un dels grilhs (tanplan coneguts coma galhons) mai estonants de la planeta.
L’olcinia es un grilh que demòra als bòsques tropicals de Malàisia e Indochina, apertenent a la familha dels Tettigoniidae, e la sosfamilha dels Pseudophyllinae e las siás caracteristicas morfologicas son tras qu’estonantas.
Lo genre d’aquel tipe de grilhs an com trach especial la siá color bruna e forma caracteristica, qu’ajuda l’insècte a s’amagar dins l’ecosistèma ont viu pr’amor que sembla parièr a l’arbre o arbrilhon ont a l’abituda de demorar.
Los grilhs olcinia aiman plan demorar sus de brancas o fuèlhas d’arbres a l’airal tropical del sud-èst asiatic. Per s’amagar melhor dels predators estend las siás pautas e antenas al long de la branca ont demòra. E sovent son trapats sus la superfícia, per aital s’amagar melhor.
Los Tettigoniidae son una familha d’ortoptèrs, e n’i a mai de 6 400 espècias diferentas. La siá color es d’abituda mai o mens criptica, çò que vòl dire que semblan plan de fuèlhas. La siá longor pòt se situar entre 5mm e 130 mm.
La majoritat d’aquel tipe de galhons son nuechencs e lor son es plan fòrt. Òm pòt los enténer plan sustot pendent l’estiu e l’automne. La siás antenas pòdon venir mai longas encara que lor cors. Aquò los fa desparièrs dels sautarèls.
Lor reproduccion es annadièra. Lo mascle balha de presents a la femèla e aprés aquela pond d’uòus pendent la fin de l’estiu. La siá distribucion geografica es mondiala, franc d’Antartida. Se noirisson de fuèlhas, de flors, de grana, e de rusca. Mai d’una espècia es predatora e n’i a que son consideradas coma una vertadièra pèsta pels paisans.
Son, pasmens, d’insèctes plan coneguts per s’amagar plan dins l’environament ont demòran. Semblan de fuèlhas secas e es plan malaisit poder las trobar e espepissar pr’amor de la siá forma e color.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
