LO BILINGÜISME AMELHORA LA MEMÒRIA VISUALA

Plusors estudis demòstran dempuèi fa annadas que lo bilinguisme es una abilitat que pas totas las personas an. Mas qu’aquelas que l’an, an mai beneficis cerebrals que las personas que sonque parlan una lenga. Ara, un nòu estudi publicat al numeric  Science Advances demòstra que lo bilinguisme amelhora e plan la memòria visula dels umans. Aquò auriá coma causa l’activacion de paraulas concurrentas.

E òc, pr’amor que lo bilinguisme demostrèt fa temps qu’aquelas personas que parlan mai d’una lenga an mai de beneficis que d’autras. Pasmens, e maugrat totes aqueles estudis realizats per de cercaires de la planeta tota, encara es dubèrta la polemica sus las consequéncias cognitivas que pòt entraïnar lo bilinguisme.

Bilinguisme vòl dire tanben mai memòria visuala

De nòvas donadas scientificas doncas demòstran que i a un ligam cèrt entre lo bilinguisme e la memòria visuala de las personas. E aquò poiriá èsser plan important per desvolopar mai d’estrategias per aprene, car ara es conegut que la lenga d’una persona a un efièch positiu e definitu sus lo biais de viure los evenements de la vida vidanta.

Fa ja mai de 100 ans que los cercaires de la planeta estudian cossí es importanta la lenga mairala dins los individús a l’ora d’aver una vision del mond. Fa mai de 8 ans, en 2015, una còla de cercaires ja publiquèt dins lo numeric internacional Psychological Science un estudi que confirmava que, los parlaires d’anglés avián un vejaire mai actiu e mai practic de la vida, sens balhar d’importància al contèxt, e que los alemands, per contra, aurián una vision mai globala dels pretzfachs.

Aquò cossí daissa las personas bilingues ? Pòt una meteissa persona aver doas visions desparièras de la vida vidanta pr’amor de son bilinguisme ? Per assajar de respondre ara aquesta qüestion, los scientifics an creat divèrses laboratòris de recerca sus lo bilinguisme e la psicolinguistica.

E òm contunha la recerca, car en universitats coma la Northwestern, a Evanston, als Estats Units, los cercaires estudian uèi lo jorn cossí pòt jogar un ròtle decisiu dins la memòria visula d’una persona lo bilinguisme. La resulta demòstra, mai d’un còp, que las personas bilinguas an totjorn activas ambedoas lengas, e òm poiriá supausar doncas que tanben an doas visions diferentas de la vida.

La Redaccion