Sentisson lo camp magnetic terrèstra d’unas espècias d’aucèls, de peisses o de tartugas, de bacterias, los rat-taupas, los cèrvis, los cans, … Se dirigisson amb lo lor 6en sens, lo sens magnetic. E se calia apondre l’Òme ?
Fa 3 ans ara que debutèt un estudi del CALTECH (California Institute of Technology) e publiquèt dins eNeuro lo 18 març de 2020. Dison que sentiriá al camp magnetic terrèstre l’Òme. “Nos estimam mai de dire que respond a una rotacion del camp magnetic.” Diguèt Connie Wang, autora de la publicacion. Existissiá un metòde, utilizat sonque per los aucèls fins ara. Elaborèt un protocòl aquela còla, menada per lo geofisician Joseph Kirshvink. Bastiguèt un membre cubic de dos mètres sus dos. Dins las parets, i aviá de fials per produire un camp magnetic d’intensitat flaca que revèrta al de le Tèrra. Foguèt possible de o far virar siá dins lo sens nòrd-èst, siá dins lo sens nòrd-oèst e/o lo contrari, siá d’inversar lo nòrd e lo sud (un cambiament d’emisfèri d’un biais).
Demorèron una ora sens lutz ni lum los cobais, mens de trente a l’encòp, equipats d’un sistèma electroencefalografic que recordèt las lors reaccions cerebralas. Programèt d’unes cicles de sèt minutes de varacions aleatòrias del camp magnetic creat.
Cambièron las ondas cerebralas per un tèrç dels cobais sens que sentiscan res. E mai, pas cap de cambiament amb l’inversion dels pòles, coma las bèstias qué còpan la lor bosòla intèrna. Dins d’unes cas son de cristals minerals (fèrre, magnetita, per exemple) o de proteïnas qu’activan lo sens per las bèstias. Dos elements foguèron descobèrts dins lo nòstre cervèl.
Solide que seguiràn d’estudis de mai per confirmar e/o precenciar aquelas resultas. Solide , tanben, que sèm inconscients d’aquela percepcion. E mai, de qué ne far ? Per seguir.
Un article de Pèire Tommasi*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
