L’ANIMAL PUS PESUC DE L’ISTÒRIA
Bel còp i aguèt una balena nomenada Perucetus colossus. Aquela balena uèi es escantilhada. Mas ara los cercaires dison que benlèu foguèt l’animal lo pus pesuc de tota l’istòria (e preïstòria) de la planeta. Lo nòm vòl dire balena en latin (cetus) mas tanben granada en grèc (kolossós).
Uèi los cercaires sabon plan las mesuras que fasiá aquel mamifèr marin; pesva fins a 190 tònas. Segon aquela chifra i aguèt pas jamai cap animal marin nimai terrèstre en l’istòria naturala de la planeta amb aquel pés, çò que tanben vòl dire que foguèt l’animal pus pesuc de totes los tempses.
Aquò es la consequéncia d’una nòva espècia de balena escandilhada que demorèt en America del Sud, mas que podiá pesar fins a 340 tònas. Lo cetacèu demorèt fa mai de 39 milions d’ans.
Un mamifèr estonant
Lo recòrd coma animal lo pus grand de la planeta èra la balena Balaenoptera musculus, que demòra encara uèi als oceans de la planeta. Es un tipe de balena blava. Aquel títol, pasmens, ara se n’es anat vèrs la balena fossila descobèrta ongan en Peró. D’efièch, foguèt trapada al desèrt d’Ica e los paleontològs confirman que los especimèns adultes poirián aver pesat centenars de tònas.
“Es estonant, çò diguèt Alberto Collaret, paleontològ. Jamai èra estat trapat quicòm coma aquò. Es l’esqueleta pus pesuca de l’istòria dels mamifèrs e tanben de totes los vertabrats que jamai visquèron a la Tèrra. L’estudi sus la descobèrta es estat publicta al numeric Nature.
Pels scientifics, l’adaptacion evolutiva d’aquel animal auriá menat l’espècia a un gigantisme estonant, car se pensa qu’aguèt l’esquelet lo pus grand de l’istòria naturala terrèstra. Foguèt, una espècia apertenenta a la familha dels basilosaurides, ont i a tanben de cetacèus coma balenas e dalfins.
“Venir gigant, çò diguèron los cercaires que descobriguèron lo fossil, benlèu se debanèt abans de çò qu’òm sospechava. Balaenoptera musculus aguèt d’òsses massius qu epoirián ajudar l’animal a nadar amb l’ajuda d’aire als pulmons”.
Los cercaires poguèron mesurar lo pés del fossil amb l’ajuda d’escanèrs 3D, çò qu’ajudèt a confirmar las mesuras e pés del cetacèu. Segon semblariá, un especimèn adulte poiriá haver pesat entre 85 e 340 tònas e mesurar masi de 20 mètres de longor. Trapar la massa de l’animal foguèt un pauc mai malaisit.
Los òsses de Perucetus colossus foguèron plan pus pesucs que los d’una balena actuala. E aquò auriá menat aquela balena preïstorica a viure sonque en d’aigas brica profundas, e la gravetat auriá arrestat que tornèsse tèrra per haber de filhs.
La descobèrta de Perucetus colossus farà cambiar lo vejaire qu’avèm sus de fauna escandilhada car venguèron gigants 30 milions abans de çò que los cercaires pensavan sus l’epòca del gigantisme animal. Pasmens, cal ne trapar mai per confirmar aquela sospecha.
La Redaccion
