Lo Mediterranèu foguèt pas totjorn aital. Un estudi demòstra cossí fa pas gaire temps geologic (sonque 6 milions d’ans) nòstra mar èra seca al 100%. Lo fenomèn entraïnèt de consequéncias dirèctas per tot lo continent europèu, mai que mai al sud del meteis. E demorèt aital mai de 10.000 annadas.
Aquel estat de nòstra mar comencèt quora lo Mediterranèu demorèt barrat e isolat de l’Atlantic pr’amor de divèrses movements tectonics que provoquèron de cambiament radicals al torn de l’Estrech de Gibraltar. Aquò se debanèt, fa aperaquí 6 milions d’annadas.
Per ansin, e pendent mai de 10.000 ans, lo Mar Mediterranèu demorèt isolat de l’ocean Atlantic e lo nivèl d’aiga bassèt radicalamant per evaporacion. La resulta ne foguèt un bacin mediterranèu plan mai semblable a un desèrt de sal amb de pichones airals d’aiga que demorèron aital mercés a de flumes pròches coma l’Eosahabi.
Lo fenomèn encara es malaisit de comprene uèi pels cercaires. E calguèt far un vidèo per poder o mostrar al public. Es çò que faguèt Educaixa a travèrs del canal de Youtube d’Educaixa (Barcelona). Lo vidèo tanben confirma cossí lo mur patiguèt pendent de milièrs d’ans lo clima de la region fins que se trinquèt e l’aiga de l’Atlantic tornèt a dintrar al Mediterranèu en tot crear lo paisatge marin que totes coneissem uèi.
Aquel fenomèn geologic provoquèt la fusion d’Euròpa amb Africa en çò que se poiriá nomenar un supercontinent. Val pas dire que la fauna e flora que i aviá alara prèp de la mar Mediterranèa visquèt de condicions òrras per subreviure.
Après se conéisser un fenomèn tan espectaclós sonque podèm demanar; es possible al futur qu’aquò tornèsse a se debanar ? Los cercaires an pas una idèia sus çò qué se pòt debanar pendent lo futur mas semblariá qu’aquel fenomèn foguèt plan singular e que semblariá pas brica rasonable pensar que lo Mar Mediterranèu poiriá tornar a se secar penent lo futur.
Car l’Atlantic es una fònt d’aiga sens fin e aqueste ocean e la nòstra mar son plan ligats. Pasmens, los cercaires que realizèron l’estudi tanben confirmèron que lo mar Mediterranèu es uèi un mar plan fragil pr’amor que lo nivèl d’evaporacion d’aiga es plan naut e qu’èsser un mar gaireben barrat tanben a de risques.
La Redaccion
Fotografia Principala: Youtube/EduCaixaTv
