Las vacanças son ja finidas e tanben la calor. Après aver fach la tornada al trabalh volem tornarmai jogar un pauc e nos amusar. Pr’aquerò avèm aquí una segonda propòsta de Joan–Glaudi Babois que nos raconta un juec numeric per l’autona. Per i jogar benlèu aurèm de besonh una calculeta pr’amor que los nombres son, aqueste còp, un pauc mai complèxes. Mas tanben avèm de besonh la volontat de nos amusar. E se l’avèm, aicí avèm aqueste segond juec numeric de Sapiéncia.eu, per l’autona;
1) Ieu fa la causida d’un nombre de 2 chifras
2) Aquèu nombre serà multiplicat per 9999
3) Au resultat de la multiplicacion cal faire ajustar 1100
4) Faire causir un nombre de 2 chifras a lo faire ajustar au resultat precedent
5) Demandar lo nombre trobat
Solucion
Basta d’ajustar lei 2 nombres de 2 chifras que se tròbon a drecha e a senestra dau nombre trobat. E coma lei calculs son un pauc mai longs, es possible de faire utilitzar una calculeta. Vaqui unes exemples:
1) Nombre qu’an causit : 49
2) 49 x 9999= 489951
3) 489951 + 1100 = 491051
4) Nombre causit: 66
5) 491051 + 66 = 491117
Solucion: 49 + 17 = 66
Un autre exemple;
1) Nombre causit: 28
2) 28 x 9999 = 279972
3) 279972 + 1100 = 281072
4) Nombre causit: 83
5) 28072 + 83 = 281155
Solucion :28 +55 = 83
Tot aquò marcha quauque siege lo nombre cusit au despart adonc es sempre sorpresent.
Cronica matematica de *Joan-Glaudi Babois *
*Dempuèi uèi trobarètz una pichona biografia dels redactors de Sapiéncia en la seccion Qui sèm.
