A Hveravellir i a una de las piscinas termalas mai bèlas de la planeta tota, al nòrd-oèst d’Islàndia e a 650 mètres sul nivèl de la mar. Hveravellir es d’efièch considerada coma una de las regions geotermicas mai polidas d’aquel país amb d’aiga, mas tanben de sofre, tot un plaser per la pel. La piscina es pla pichona e sonque i pòdon dintrar al còp 20 personas.
Es un airal plan exclusiu e cal reservar amb fòrça temps per poder lo visitar. Totun, un còp ailà se pòt gausir d’un bon ban demest los glacièrs de Langjökull i Hofsjökull. Per i arribar cal usar un 4×4 e crosar las region nauta d’Islàndia car cal primièr arribar a la mar de lava de Kjalhraun, a travèrs la rota F35 .
La temperatura de l’aiga se pòt situar demest 18 ºC e 40ªC mas la fònt que i mena d’aiga pòt arribar plan als 90ºC. Per ansin, cal èsser alèrta se òm i va amb de mainatges. Prèp i a mai piscinas e fònts termalas amb d’aiga blava que son l’estonament general de totes los visitants. Hveravellir foguèt bastida en 1950 en tot usar una pichona paissièra pròcha.
Pasmens, lo nivèl de dioxid de silici que i a en Hveravellir es un dels mai nauts d’Islàndia e al torn i a fòrça fònts termalas amb de geyserita blanca, una color que dòna un environament totalament estonant. Los primièrs qu’informèron sus Hveravellir foguèron Eggert Ólafsson i Bjarni Pálsson en 1752, quand ne parlèron en son jornal de viatge. Totun, en l’an 900 los vikings ja coneissián l’airal coma Kjalvegur.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
