ES TRAPAT UN VÈRME AMB TRES SÈXES
Son estadas descobèrtas uèch nòvas espècias de vèrme al lac Mono, a Califòrnia, dont una nomenada Auanema sp a tres sèxes desparièrs e pòt subreviure fins a 500 dòsis d’arsenic mai qu’un uman. A mai, a los pichons vèrmes dins lo cors, coma es d’abituda en çò dels marsupials.
La tròba es estonanta pr’amor que lo lac Mono es un dels luòcs ont la vida a la Tèrra es considerada extrèma pr’amor de sas condicions environamentalas. Fins ara solament foguèron trobadas doas autras espècias vivas. E ara una còla scientifica de l’institut tecnologic californian Caltech ne trapèt uèch mai que son totalament susprenentas.
De condicions de vida excepcionalas
Per ansin, lo lac Mono a fins a tres còps pus sal que l’ocean. E aquò sens parlar dels òrres nivèls d’arsenic que i a al luòc. Mas semblariá èsser que i demòran divèrsas espècias de vèrms o nematodes, un tipe de vida fòrça primitiu qu’es la mai correnta en la planeta Tèrra. Qualques unas d’aquelas espècias de vèrmes èran terrajairas, d’autras parasitàrias e d’autras encara predadoras. Mas totas toleravan plan l’arsenic. Una d’aquelas espècias a tres sèxes diferents e pòt suportar dins a 500 còps mai d’arsenic qu’un uman. Los pichons vèrmis son menats dins los cors de l’adult, cossí fan los cangorós.
“Es fòrça important veire cossí se desvolòpa la vida al lac Mono per comprene la nòstra biodiversitat, çò diguèt Pei-Yin Shih, d’aquel laboratòri scientific. La responsa de la biotecnologia futura es dins la natura. E cal poder la protegir per la sauvar”. Segon los cercaires, cal ara estudiar lo succès dels vèrmes de manièra bioquimia e genetica. L’estudi foguèt publicat al numeric Current Biology.
La Redaccion
