Eth descorbiment d’ua naua classa de particules quantiques poirie menar era mecanica quantica a un nau nivèu. Er estudi ajudarà a explorar mès fenomèns quantics e a d’implicacions entà un avanç mès prigond ena tecnologia e informatica actuaus. Segontes es cercaires, es naues particules observades se diden excitons, e ara sua conducta unica obrirà naus camins entara compreneson dera fisica quantica.
Atau, cau rebrembar qu’en mon dera fisica quantica, es particules subatomiques no seguissen tostemp es nòrmes deth mon fisic. Pòden existir en dus lòucs ath madeish temps, crotzar barreres solides e tanben comunicar-se a trauèrs de granes distàncies ath còp. Aguestes conductes semblen impossibles en mon dera fisica quantica, mès son fòrça reuaus, e ara es cercaires creden que pòden encara descorbir mès proprietats qu’abans èren considerades impossibles.
En nau estudi, ua còla de cercaires dera Universitat de Brown observèren ua naua classa de particules quantiques que siguèren nomenades excitons fraccionàris. Son particules que se compòrten de manèra inesperada e qu’ajudaràn fòrça ara comprenença deth mon quantic.
“Es nòsti resultats apunten cap a ua classa entièrament naua de particules quantiques que non an carga globau, mès que seguissen estadistiques quantiques uniques, çò didec Jia Li, professor de fisica dera Universitat de Brown. “Çò de mès susprenent ei qu’aguest descorbiment daurís una nau camin ara ora de trapar naues fases quantiques dera matèria, pr’amor que demòre obèrta ua naua termièra qu’ajudarà a compréner plan melhor era computacion quantica.
En estudi, publicat ena revista Nature, es cercaires se centrèren ath torn d’un fenomèn coneishut coma efècte Hall quantic fraccionàri, e on a un camp magnetic se li aplique un materiau damb corrent electric entà crear ua tension laterau. Er efècte Hall quantic se produsís solament a temperatures extrèmaments baishes e e damb camps magnteics nauti e mòstra qu’aguest voltatge laterau aumente en sauts clari e separadi. Aguesti sauts, quan son quantics son encara mès peculiars pr’amor qu’aumènten solament en quantitats fraccionàries pr’amor dera sua carga d’un electron.
Pendent er experiment, es cercaires bastiren ua estructura damb dues capes primes de grafen, separat per un veire qu’isolaue nitrur de bor exagonal. Açò permetec controlar ben es movements des cargues electriques e generar particules ara nomenades excitons, que se formen en tot combinar un electron e era abséncia d’un electron coneishut coma horat. Dempús eth sistèma siguec exposat a camps magnetics fòrça fòrts e atau podèren obserar ben es excitons fraccionàris.
Es particules fonamentaus
Es particules fonamentaus an dues categories. Es bosons son particules que comparteishen eth madeish estat quantic e pòden donques existir amassa. Mès es fermions segueishen eth principi d’exclusion de Pauli (non i a dus fermions que pòguen aucupar eth madeish estat quantic).
Es excitons fraccionàris observats non podien èster classificadi en cap d’aguestes dues categories. Quan auien cargues fraccionàries, eth sòn comportament mostrèc tendéncies tant de bosons coma de fermions e atau actuèren gaireben coma un ibrid des dues categories. Açò les hec mès semblables as anions (ua particula que solament se trape en entre es fermions e es bosons). Açò ei com díder qu’auien proprietats uniques.
Açò suggerís qu’es excitons fraccionàris podien representar una classa naua de particules damb propietats quantiques uniques”, çò didec Zhang. “Es excitons poden existir en eth règim de Hall quantic fraccionàri e bèri uns alguns d’aguesti excitons nèishen dera union de particules cargades fraccionariaments e creen excitons fraccionàris que non se compòrten coma bosons ».
Atau, era existéncia d’ua naua classa de particules poderie ajudar bèth dia a melhorar era forma qu’era informacion s’emmagazine e manipule a nivèu quantic, en tot dar lòc a ordenadors quantics mès rapids e fiables, çò soslinhèren es cercaires.
“En esséncia ; auem desblocat ua naua dimension entà explorar e manipular aguest fenomèn, e solaments auem començat a arribar ara sua superfícia”, çò didec Li. “Ei eth prumèr còp qu’auem demostrat qu’aguestes particules existeishen e ara cau aprigondir mès eth sòn estudi. Ara cau estudiar se aguest excitons fraccionàris pòden éster controladi ».
Era Redaccion
