ES DESCOBÈRTA UNA PLANETA GIGANTASSA AL SISTÈMA BINARI D’NGTS-14
La descobèrta d’una gigantassa planeta, que mesurariá coma Neptune, al sistèma binari NGTS-14 confirmariá la teoria que la region espaciala nomenada “lo desèrt neptunian” seriá puslèu una region amb mai planetas de çò que se pensava abans. “Es un tipe de planetas qu’es fòrça mai espandida que çò que se cresiá, çò diguèt Alexis Smith, de l’Institut de Recerca Planetària del Centre Alemand Aeroespacial”.
Per ansin, la region espaciala coneguda astronomicament coma “lo desèrt neptunian” a un sistèma binari nomentat coma NGTS-14, situat a 1023 annadas lutz de la Tèrra e es ailà ont de recentas donadas de la NASA confirmèron que i a aquela nòva gigantassa planeta, e qu’auriá una edat de 5.9 billions d’ans.
Aquel sistèma auriá una estèla nana del tipe K1V qu’auriá lo nom de NGTS-14A. Lo sieu companh seriá NGTS-14B, una autra estèla nana. La nòva e gigantassa planeta, NGTS-14Ab, auriá una orbita al torn de l’estèla primerenca d’aquel sistèma de 3,54 jorns e auriá un radi un 30% mai gros que lo de Neptune e seriá fins a un 70% mai massís.
“L’orbita de NGTS-14Ab es de 3,5 jorns e se situariá dins la region coneguda coma lo de`sert neptunian, çò confirmèron los cercaires que l’an descobèrt”. Per la trapar los scientifics utilizèron la tecnologia NGTS. Pasmens, la quita còla que descobriguèt aquela gigantassa planeta confirmèt que seriá tròp luenh de la sieuna estèla per poder aver una atmosfèra. La tròba foguèt publicada al numeric Astronomy&Phisics.
La Redaccion
