Home GEOGRAFIA ERA RECÈRCA DERA CIUTAT BLANCA
ERA RECÈRCA DERA CIUTAT BLANCA
0

ERA RECÈRCA DERA CIUTAT BLANCA

0

En 2016 ei susprenent d’enténer encara parlar d’expedicions romantiques coma es que heren aventurèrs d’autes epòques. Ei estonant pr’amor qu’ei de mau pensar que i a lòcs encara aué entà descurbir e ei estonant encara saber qu’ara s’a iniciat una expedicion entà descurbir ua ciutat sancera; eth país, Onduras.

Damb era aprobacion oficiau deth president d’aguesta republica d’America Centrau, Juan Orlando Hernández, eth sòmi ja ei un hèt. S’a iniciat era marcha d’ua equipa arqueologica qu’aurà d’entrar laguens eth mès prigond dera sèuva d’aguest país entà sajar de trapar era localizacion d’ua ciutat perduda en eth temps e era legenda: era ciutat blanca.

Eth hèt ei que bèri uns arqueològs e topografs an estat es darrèrs tres ans escanejant e topografiant damb fòtos aerianas e en tot utilitzar era tecnologia mès naua tota era sèuva dera region de Mosquítia, a l’èst d’Onduras.

Pr’açò s’an podut arténher pròves reaus dera existéncia d’ua vila perduda ena sèuva e era sua descobèrta poirie èster, segontes es madeishes hònts governamentaus d’aqueth país, tan sensacionau coma era descobèrta dera vila de Macchu Pichu, hèta en Peró en 1911.89055_990x742-cb1425304743-660x440

Ua vila de legenda

Era Universitat de Houston e diuèrsi engenhaires der Institut Scientific NCALM an passat mès d’ua setmana en tot hèr fòtos damb lasèr d’un airau de mès de 60 km2 e an transferit totes aguestes donades a Bill Carter, un aute engenhaire localizat en Houston.

“Jo sò, dilhèu – çò afirma Bill Carter, d’aguesta universitat texana – era soleta persona ara en tota era planeta que sabie on ei era ciutat blanca. E pogui confirmar qu’aguesta vila legendària ei reau, que non ei un sòmi”.

Aguesta topografia scientifica dera sèuva deth nòrd-èst d’Onduras a costat 1,5 milions de dolars. Mès es patrocinadors pensen qu’eth tresaur que pòden trapar ena vila blanca poirie èster fòrça mès ric encara. Pr’açò s’a hèt aguest estudi damb era collaboracion deth govèrn d’Onduras.

Era legenda des indians Pech, ua tribú que demora en Onduras hè solament 500 ans, a parlat tostemp d’ua vila blanca ena quau demorauen es prumèrs indians qu’arribèren en aquera sèuva. Ère ua ciutat fòrça grana, damb colones de marbre, plia de tresaurs e hèta pes dius. Aciu demorèren es indians Pech enquiara maladeta d’un indian Tamarcha, que provoquèc ues plagues que, fin finau, botèren es indians Pech a deishar era vila blanca e marchar entath lòc ont auien demorat es darrèrs sègles e ont demoren encara aué.monkeycity5

“Enquia aué sabem – çò ditz Virgilio Paredes, der Institut d’Onduras d’Antropologia – que i a ua ciutat abandonada hè sègles ena sèuva dera Mosquítia. Mès encara podem pas díder s’aguesta siguec bastida pes Maies o per ua auta civilizacion”.

Eth govèrn d’Onduras ei optimista. Un còp s’aja descurbit e confirmat fisicaments era trobalha arqueologica, pensam qu’entara sua restauracion dilhèu passaràn mès de 50 annades. E tanben pensam que serà era descobèrta arqueologica mès importanta deth sègle XXI. Mès encara ei de besonh qu’es arqueològs, antropològs e d’autes scientifics que i a entà trapar era vila blanca marchen pendent setmanes a trauèrs d’ua sèuva jamès explorada e que, per desconeguda, poirie èster ua hònt d’aventures sens limit. Er èster uman contunhe estonant. E demoram qu’açò non sigue era fin dera imaginacion deth madeish.

Christian Andreu