Home GEOGRAFIA FA 7 MILIONS D’ANS QU’AVÈM SAHARA
FA 7 MILIONS D’ANS QU’AVÈM SAHARA
0

FA 7 MILIONS D’ANS QU’AVÈM SAHARA

0

Fins uèi lo jorn se pensava que lo desèrt del Sahara solament aviá 2 o 3 milions d’ans d’existéncia. Mas la descobèrta de de depaus de dunas al nòrd de Chad qu’avián una ancianetat de 7 milions d’ans a fach repensar las donadas inicialas e far de nòus estudis per calcular l’istòria d’aqueste desèrt.

Un dels estudis es estat fach per Camille Contoux, que, amb l’ajuda del Centre Bjerknes de la Recèrca del Climat de Bergen, en Norvègia, a pogut confirmar que la dessertificacion del Sahara començèt fòrça abans, benlèu fa 7 milions d’ans e qu’una de las causas de la sieuna formacion seriá l’enfonzament de la Mar de Tetis, un ocean que i aviá demest fa 11 e 7 milions d’ans entre las mars mediterranèa, la mar negra e la mar caspia.61044-004-5AD5D86A

Las evidéncias geologicas doncas, an confirmat segon un estudi realizat amb un rebastiment informatic del paleoclima del Sahara que lo tresen desèrt mai grand de la Tèrra, après l’antartic e l’artic, començèt a se dessertificar fa 7 milions d’ans. Per rebastir aqueste clima la còla de scientifics qu’a fach l’estudi a utilizat lo Model de Sistèma Terrèstre noruec e tanben lo Model  Atmosferic Comunautari.

Amb aquestes sistèmas informatics an pogut rebastir l’edat del Tortonian, una epòca que i aguèt a la nòstra planeta pendent la fin del Miocèn e que foguèt clau per la formacion de l’ariditat del Nòrd d’Africa.

Un procés de dessertificacion natural

“L’ariditat d’aquesta region comença amb l’enfonzament de la Mar de Tetis, fa 7 milions d’ans – çò diguèt Contoux -. Aquesta epòca foguèt essenciala per la formacion del desèrt del Sahara. L’enfonzament d’aquesta mar determinèt totalament la creacion del clima d’uèi lo jorn d’Africa del Nòrd.middle-of-the-Sahara

Lo desèrt del Sahara – qu’uèi a mai de 9.400.000 quilomètres carrats e ocupa un 10% d’Africa tota en tot incloure territòri de mai d’11 païses – començèt a aver ariditat en s’arrestar la circulacion del monson african.

Pendent l’edat del Tortonian, doncas, l’estudi confirma que lo Nòrd d’Africa començèt a laissar d’aver paisatges amb vegetacion e a desvolopar cicles arids e umides que, amb lo temps, finiràn per crear lo desèrt qu’avèm uèi apelat Sahara, lo desèrt caud mai grand de la Tèrra. L’estudi es estat publicat per la revista Nature.

Christian Andreu