DE ROBÒTS UMANOÏDES PRODUÏTS MASSIVAMENT
China serà lo primièr país de la planeta que començarà una produccion massiva de robòts umanoïdes. Pel govèrn chinés la prioritat es desvolopar mai la produccion d’aqueste tipe de robòts. E, segon la meteissa prevision governamentala chinesa aquesta produccion en massa començarà a èsser reala ja en 2025.
Aital, China vòl que las entrepresas chinesas de produccion robotica comencen a produire massivament de robòts e doncas venir la concurréncia màger que pòt tenir en aqueste afar Estats Units a nivèl planetàri. Tot aquò dins un contèxt de guèrra economica entre ambedoas nacions. Per ansin, los robòts umanoïdes seràn la pròcha revolucion tecnologica del mond.
Accelerar la produccion nacionala
Pel govèrn chinés accelerar la produccion massiva de robòts umanoïdes es la responsa que cal balhar al besonh de la sieuna indústria, servicis e ajuda a las personas. Mai encara quora lo govèrn chinés vòl venir lo país que dirigís aquel tipe de produccion a nivèl planetàri.
L’anonci d’aquela estrategia foguèt anonciat pel ministèri d’indústria e tecnologia de l’informacion chinés (MIIT) a travès d’un rapòrt de 9 paginas. La idèa es aver ja una tecnologia pro bona en sonque una annada, e que, amb aquela, se pòsca començar a bastir de robòts massivament dempuèi l’an 2027.
La tòca, pasmens, es plan seriosa, car China vòl desvolopar al long dels proplèus ans de robòts amb l’abilitat de far aquel trabalh de besonh en l’industria e tanben poder se comunicar amb los umans. Pel govèrn chinés aquò serà revolucionàri, cossi o foguèron los ordenadors e los smartphones.
Divèrsas entrepresas chinesa ja comencèron a aufrir los sieus projèctes al govèrn chinés, dont Xiaomi e Fourier Intelligence, e son ja plan desvolopats. Xiaomi trabalha sus CyberOne, un robòt que pòt percebre l’espaci en tres dimensions a mai de las expressions e emocions umanas. Aquò, amassa amb l’intelligéncia umana, poirà, un bèl jorn, agir plan amb los umans.
D’un autre costat, es a mand de lençar lo primièr robòt umanoïde, lo GR-1, qu’ajudarà los medecins, poirà caminar a 5 km/h e menar fins a divèrses centenars de kg de pés. Los primièrs robòts d’aquela sèria sortiràn ja en 2024.
Amb aquò China vòl venir lo primièr país del mond a l’ora de produïre de robòts umanoïdes. Estats Units ja a, a travèrs de l’entresa Figure un robòt umanoïde (1,70 m e 60 kg) per agir amb los umans. Amb aquel robòt Figure vòl èsser la primièra entrepresa del mond que produís un robòt umanoïde a nivèl comercial de tota la planeta. E a un prètz pro bas. Tanben i a mai d’entrepresas estatsunitencas que trabalhan en aquò, coma Boston Dynamics, Agility Robotics e Tesla.
En mai d’aquò, aqueles robòts poiriàn doblar las sieunas abilitats lèu lèu, pr’amor que la meteissa OpenAI, que creèt ChatGPT, aononcièt pr’amor qu’OpenAI, creadora de Chat GPT, confirmèt fa gaire una granda inversion en l’entrepresa X Technologies. La tòca es bastir lèu un robòt bipède amb una intelligéncia tras qu’ordinària.
La Redaccion
