![TRES ESPÈCIAS NÒVAS DE LEMURS NANS](https://sapiencia.eu/wp-content/uploads/2016/04/tumblr_ntphfiHSuS1rcreq5o4_1280.jpg)
La descobèrta d’una nova espècia vegetala o animala a la planeta es totjorn una bona nòva pr’amor que las noticias parlan mai sovent d’animals que son en perilh d’extincion. La descobèrta scientifica de tres nòvas espècias de lemur rat es doncas un bona nòva.
![westernfattaileddwarflemur](http://sapiencia.eu/wp-content/uploads/2016/04/westernfattaileddwarflemur-300x225.jpg)
Las tres nòvas espècias son del genre Microcebus (lemur rata) e son estadas descobèrtas per un grop de scientifics del Centre de Primats Alemand, la Universitat de Kentucky, lo Centre Lemur Duke estatsunitenc e la Universitat d’Antananarivo, a Madagascar. Lors mesuras son de 27 centimètres de longor e aquò los fa los primats mai pichons del mond.
Fa 20 ans foguèron descobèrtas las doas primièras espècias de lemur nan e uèi lo jorn ja son conegudas 24 espècias desseparadas pel sieu ADN. Totas elas demoran a la granda illa africana de Madagascar.
Ara, son estadas descobèrtas tres nòvas espècias qu’an coma nom Microcebus ganzhorni, Microcebus manitatra e Microcebus boraha. L’estudi s’es fach en tot desseparar las diferéncias geneticas de diferents animals amb de nous metòdes. Aquò a permés trobar que i avián tres nòvas espècias animalas a la planeta. Al delà d’aquò, l’estudi tanben a confirmat la preséncia de las autras 21 espècias de lemur nan que ja èran conegudas. E tot amb l’ajuda de nòvas tecnicas geneticas.
Christian Andreu