Lo lac de las medusas es un dels lac mai singulars de tota la planeta. Es situat a una de las illas Ròca, a l’estat de Koror, e forma part de las illas Belau, al nòrd-èst d’Oceania. Lo lac de las Medusas, que tanben poiriá èsser nomenat Lac de las Marmolhas o encara Lac de las Pòtas en occitan a coma vertadièr nom original Ongeim’l Tketau e uèi lo jorn es tot isolat, malgrat que pendent de tempses passats i aviá una sortida a l’ocean. Pasmens, la sortida del lac se barrèt e i demorèron centenars de medusas que subrevisquèron coma espècia fins a uèi lo jorn.
Dempuèi alavetz las medusas, sens cap predator natural al lac, comencèron a se reproduire sens arrest e uèi lo lac n’es plen. Pr’amor de la granda quantitat de medusas que i a al lac uèi lo jorn, de centenars de toristas i arrivan cada annada. De remembrar qu’aquelas medusas son brica dangierosas pels umans e los toristas pòdon, se vòlon, dintrar al lac e nadar al costat de las pòtas.
Son de marmolhas qu’apertenon a la familha de las Mastigiidae. Mas tanben i a de medusas perilhosas pels umans. Urosament son al fonz del lac e los umans las trapan pas sovent. Son las medusas Luna. Las illas Ròca (nomentadas de forma locala illas Chelbacheb) son una pichona archipèla d’entre 200 e 300 ilas de pèira situadas entre las illas Koror e las illas Peleliu e son a l’ocean Pacific.
De centenars d’illas sens d’umans
Son d’illas amb de coralh mas i viu pas degun malgrat que son plan celèbras pr’amor de las sieunas plajas e las sieunas forèsts tropicalas a mai de la forma de la majoritat de la illas. Per ansin, las illas Chebacheb pòdon èsser desseparadas en 7 grops; lo primièr grop seriá lo de las illas Ulubsechel (6 km²): al nòrd-oèst e al sud de l’illa de Koror, formadas per aperaquí 20 illas. Tanben i a las illas Urukthapel o Ngeruktabel (25 km²): al sud-oèst d’Ulubsechel e qu’a fins a 80 illas. Puèi i a las illas Ulong (0,08 km²), que son sonque 15 illas a l’oèst d’Urukthapel.
Las illas Mecherchar (19 km²) son 70 illas situdas als sud Ngeruktabel. L’illa pus celèbra es l’illa d’Eil Malk, ont i a lo lac de las Medusas. Puèi, i a las illas Ngerukeuid o Seventy Islands (0,2 km²), 40 illas a l’oèst de Mecherchar. Tanben i a las illas Ngemelis (0,9 km²), 20 illas meridionalas de Ngerkeuid e las illas Ngeroi (1,2 km²), plan pichonèlas e situadas a l’extrèm pus meridional de l’archipèla e a sonque 5 km al nòrd de l’estat de Peleliu.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
