Home PALEONTOLOGIA LAS BALENAS ANCIANAS ÈRAN D’ÒRRES PREDATORS
LAS BALENAS ANCIANAS ÈRAN D’ÒRRES PREDATORS
0

LAS BALENAS ANCIANAS ÈRAN D’ÒRRES PREDATORS

0
0

Uèi las balenas filtran l’aliment e minjan basicament plancton. Mas foguèt pas aital totjorn. De recercaires an descobèrt qu’espècias ancianas de balenas avián las dents coma predators coma dingos o leons. L’estudi es estat publicat al numeric Biology Letters.

La sciéncia a pogut confirmar encara mai que las ancianas balenas avián de dents totalament desperièras d’uèi lo jorn.

L’estudi aguèt coma cap Alistair Evans, de l’Universitat Monash,  d’Austràlia, que confirmèt que las balenas ancianas “avián pas las dents coma pensàvem. Èran, de segur, òrres predators que desvolopèron fòrça après l’estrategia actuala de filtrar l’aliment”.

Per confirmar cossí èran las dents de las ancianas balenas, una còla scientifica amb Alistair Evans restaquèt las dents de predators actuals, coma dingos e leons. Comencèron l’estudi amb una recreacion informatica en 3D dels desparièrs modèls de dents de cinc pinipèdes modèrns (leopard e fòca e d’autres), quatre carnivòrs terrèstres e ueit cetacèus fossils (entre aquelas espècias fa temps desaaparegudas coma Janjucetus, Coronodon e Squalodon).

Dents fòrça afiladas

Après, mesurèron cossí èran las dents e foguèron las divèrsas morfologias. Fin finala, restaquèron la foncion d’aquelas dents amb las de las balenas actualas per ne determinar l’alimentacion basica. La resulta confirmèt que las ancianas balenas èran òrres predators.

Segon lo nòu estudi, las primièras balenas filtravan pas l’aliment coma fan uèi. Èran predatoras.

“Sembla qu’utilizavan las dents mai per tuar que per filtrar – çò diguèt Evans-. La forma qu’an las dents de mai d’una espècia de balena fossil laissa dire qu’èran predators. Es una descobèrta sensacionala pr’amor que permet comprene melhor l’evolucion alimentària d’aquelas espècias animalas”.

De mai, los scientifics qu’an fach aquel estudi an volgut soslinhar que la tècnica de filtratge de las balenes d’uèi lo jorn es una estratègia unica al mond animal qu’evolucionèt après. Lo cambi en la morfologia de las primièras balenes e las balenes actualas aital o permet afirmar, çò diguèron.

La Redaccion

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *