![UN NÒU METÒDE PER APRENE LO GALÒ](https://sapiencia.eu/wp-content/uploads/2021/03/galo-3.jpg)
UN NÒU METÒDE PER APRENE LO GALÒ
L’Institut del Galò, organisme qu’a coma tòca principala la promocion de la lenga galó de Bretanha presentèt lo nòu metòde per aprene lo galò “Chemine de Galo pour le monde venû”. Per ansin, aquesta associacion publiquèt la primièra edicion d’un nòu metòde d’ensenhament del galò ( e que pòt èsser crompat en Kenzo.bzh) vòl èsser un otís lingüistic pèr ajudar totes aqueles que vòlon conéisser mai aquesta lenga, sián bretons o pas.
Lo metòde, qu’a mai de 250 paginas, foguèt pensat per totes aqueles que vòlon aprene mai lo galò ja siá pr’amor qu’es una lenga ja coneguda a travèrs de l’escòla o pr’amor qu’encara es estudiada d’un biais pròpri. A mai, tanben vòl èsser lo primièr metòde per aprene lo galò que pòsca èsser trapat dempuèi ara en totas las associacions culturalas bretonas, bibliotecas o mediatecas.
L’autor d’aqueste metòde de 32 leiçons, utilizèt una grafia aisida, tanben coneguda coma ABCD, per totes los francofòns. E per ansin e dempuèi plusors lecturas, l’aimant del galò poirà plan legir e escriure en galò. Lo libre a de gramatica, vèrbs, exercissis, jòcs, cossí son los diferents dialèctes del galò, un lexic… E aprés cada leiçon los estudiants pòdon conéisser quin es lo sieu nivèl. La tòca finala seriá arribar al nivèl A2/B1 de galò.
Lo galò, lenga bretona
Lo galò, tanben es coneguda coma la lenga romanica pròpria de Bretanha, mai que mai de Nauta Bretanha. Parlada istoricament en la region d’Ille-et-Vilaine, la mitat orientala de Morbihan e Côtes-d’Armor, a mai de la Loire-Atlantique.
Le galò es una lenga d’oïl, coma lo picard, peitavin, normand o lo quite francés, que sortiguèt del latin popular e se desvolopèt sus un substrat cèlta en Bretanha. Los tèxtes mai ancians foguèron escriches als sègles XII e XIII. Uèi es parlada per d’aperaquí 200 000 bretons e òm pensa que la pòdon comprene gaireben mièg milion de bretons.
A mai d’aquò, l’Institut de la Lenga Galò foguèt creat en 2017 pel Conselh Regional de Bretanha e la siá tòca es far venir lo galò un actor referent dins tot l’espaci lingüistic de Bretanha. Pr’aquò la tòca de socializar lo galò dins la vida publica, acompanhar los parlaires de la lenga e los ajudar totjorn. Lo metòde doncas serà una bèla ajuda tanben pels pichons d’escòla, coma los de l’escòla de Sant Miquèl de Resnn (Rennes), que recebon dempuèi fa gaire, de leiçons de galò cada jorn en mai de 14 classas per l’Associacion bretona de galò Cllassiers.
La Redaccion