Era Associacion Es Paums balhèc es prèmis deth Concors de Fotografia “Vilamòs, Tiò!!! Natura e cultura” ena sua quatau edicion. Eth Concors a coma tòca hèr a conèisher es valors dera Val d’Aran enes airaus dera natura, cultura, monuments e activitats e persones. Eth certamen siguec patrocinat per Baqueira Beret, Er Ajuntament de Vilamòs, Hormatgería Tarrau e Talleres Ferma.
Eth prumèr prèmi titolat Baqueira siguec entà Madi Ciocan. Eth dusau prèmi titolat Un descanso en el camino siguec autrejat a Rosa María Zarco. Eth tresau prèmi titolat Vilamòs y su pastel siguec entà Blanca Palop. Eth quatau prèmi siguec entà Luis Arias, que portaue eth títol Esglesia de Sant Joan d’Arròs (fotò principau) e eth cincau premi entà Jordi Soler Parellada per Natura Viva.
Es premis siguèren un lòt de productes dera Hormatgería Tarrau, patrocinat per Hormatgería Tarrau, un dinar tà dues persones en Restaurante Uishèra, patrocinat per Associacion Es Paums, e un drone de darrèra generacion patrocinat per Talleres Ferma.
UA ASSOCIACION DAMB 50 ANNADES D’ISTÒRIA
Era Associacion Es Paums, que enguanh hè 50 ans dera sua fondación se mostrèc molt actiua ena defensa dera cultura e era lengua aranesa. Pendent eth passat 2022 aguesta labor siguec arreconeishuda pes entitats Omnium Cultural e era Universitat de Barcelona, eth Prèmi ara edicion de contenguts audiovisuaus en aranés, eth premi dera Fondación Museu Etnològic dera Val d’Aran o encara eth premi Prèmi Lengua Viua 2022 a mès deth premi deth Festival dera Cançon Occitana o Prèmi deth Public
Er an passat era entitat hec un saut qualitatiu en tot hicar-se en mon deth cinèma damb era edicion de dus Videoclips totauments en aranés coma Oxitònia, basat en poema de Xavi Gutierrez deth madeish nòm, e damb una recreacion dera Hèsta des Barbacans de Canejan. Anteriorament auien gravat uns quanti CDs damb musica de tematica aranesa.
Era Redaccion
