En Banyuwangi, en Java Orientala (Indonesia) i a lo volcan Kawah Ijen , sens cap dobte lo volcan mai singular de tota la planeta, pr’amor que dins la siá caudièra i a un lac de color turquesa estonant. Lo Kawah Ijen fa partida del complèxe volcanic Ijen , e lo lac qu’emplís lo sieu cratèr a una circonferéncia d’un pauc mai d’un quilomètre. Las siás ribas son plenas de pèiras de color limon e la nauta quantitat de sofre dins las siás aigas fa qu’aquelas ajan un ton blau brilhant.
La camèra de magma situada jol volcan aboca una granda quantitat de gases sulfurics, que quand s’amassan amb una nauta concentracion de metals dissolguts en l’aiga e grandas quantitats de sofre, lo convertísson en lo lac amb la màger aciditat de tota la planeta.
Totas aquelas causas fan ja del Kawah Ijen tot un espectacle, mas es pas aquò que lo fa èsser vertadièrament unic entre totes los volcans, es abitual que, pendent una erupcion volcanica, sián d’expulsadas grandas quantitats de gases sulfurics a de temperaturas fòrça nautas, mas quand parlam del Kawah Ijen la quantitat es fòrça mai granda de çò qu’es abitual, pr’amor qu’a coma origina divèrses incendis de color blau quand dintran en contacte amb l’oxigèn.
Las erupcions de Kawah Ijen son las mai susprenentas quand arriba la nuèch car la lava expellida del volcan es vista de color blava electrica, e crèa de rius als vessants del volcan que son vertadièrament espectacloses. Aquel fenomèn unic dins tota la planeta a coma causa dereaccions quimicas que se crèan, en tot expulsar d’acid sulfuric e sofre a mai de 500 grases e dintrar en contacte amb l’oxigèn de l’aire. Aquel efièch de ton blaus, solament pòt èsser vist quand es escur, malgrat que la lava del volcan siá tecnicament similara a la d’autres volcans, mas aicí la combustion dels gases li dóna una color blava brilhanta.
Una autra vision durant lo jorn
Pendent lo jorn, tot càmbia, car la caudièra es dins un grand nívol que daissa vaire lo lac que se tròba dins, e las parets exterioras del volcan s’emplisson d’una capa de lava solidificada de color jauna per la nauta concentracion de sofre. Lo sofre reculhit dels vessants del volcan Kawah Ijen dòna trabalh a desenats de minièrs que se jògan la vida jornalièrament per la siá extraccion. Lo trabalh deu èsser fach lentament, mentre alendan de gases tòxics de l’airal. Pr’aquò lo sofre recolhit es lo mai blos de tota Indonesia.
Lo cratèr del Kawah Ijen mesura 2 386 mètres de nautor e se tròba situat sul replanat de Ijen. Lo complèxe volcanic se tròba dins la caudièra de Ijen, qu’a un diamètre d’aperaquí 20 quilomètres. A l’èst de Kawah Ijen se tròba la montanha de Gunung Merapi , e al sieu torn se pòdon trobar una granda quantitat de cons e cratèrs. Lo cratèr actiu de Kawah Ijen a un diamètre de 722 mètres a una superfícia de 0,41 km². A una prigondor de 200 mètres e un volum de 36 Hm³.
Lo Kawah Ijen pas es pas en erupcion, a l’ora d’ara, mas se tròba situat dins la linha de volcans que i a dempuèi lo nòrd de Sumatra fins a l’illa de Timòr, una de las mai activas de la planeta.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
