LO TREN PUS RAPID DEL MOND
Un nòu tren, lo Maglev, arribèt fa gaire a una rapiditat recòrd e cambièt los limits de la velocitat d’aquel tipe de transpòrt. Lo recòrd demòstra una nòu saut dins la tecnologia ferroviària e un cambiament istoric dins lo mond dels trens. Car lo Maglev, desvolopat per Japon e China a l’encòp, arribèt al recòrd mondial dels trens pus rapids amb una velocitat estonanta de 603 km/h.
Amb aquel recòrd, la tecnologia pròva que non sonque l’avenidor del tren coma transpòrt mas tanben l’hyperloop poirà plan ajudar a reduire las emissions de carbòni sus la planeta. Un cambiament espectaclós dempuèi la creacion del tren coma transpòrt al començament del sègle XIX.
Un camin tecnologic qu’a pas jamai quitat de créisser pr’amor de la cèrca de mai e mai de rapiditat dempuèi los primièrs trens de vapor de la revolucion industriala. Dempuèi alara doncas, la velocitat dels trens a pas cessat de pojar car a passat dels aperaquí 30 km/h de las debutas dels ans 1800 fins als estonants 603 km/h actuals.
Una nòva tecnologia
Uèi lo jorn, lo tren pus rapid del Mond es lo Maglev (tren de levitacion magnetica) desvolopat per China e Japon. Es un tren revolucionari, pr’amor qu’utiliza d’aimants per levitar sus lo camin de fèrre e poder aital reduire la friccion amb aqueste. Es çò que permet d’aténher aquelas estonantas velocitats.
E se los chineses ja èran arribats a de volcitats recòrd mondialas anteriorament, ara los japoneses amb lo tren JR Maglev, que tanben foguèt bastit pels chineses, seriá pervengut a la primièra plaça de la lista dels trens pus rapids de la planeta. Lo recòrd de 603 km/h se tenguèt en l’an 2015 mas es sonque ara qu’es confirmat coma lo tren mai velòç del Mond.
Dins lo Mond tanben i a d’autres tipes de tren qu’atenguèron de velocitats espectaclosas, dont lo Fuxing CR400 chinés, lo TGV francés, lo Shinkansen japonés, l’AVE espanhòl o encara l’Al Boraq marroquin. Mas benlèu son los trens hyperloop que demostraràn melhor lo futur d’aqueste tipe de transpòrt.
Los trens hyperloop levitan magneticament dins de tubes voids e aital ne pòdon finir amb la friccion cinetica. E per plusors expèrts son l’avenidor del transpòrt ferroviari. Car amb aquela tecnologia lo futur dels viatges en tren, plan mai ecologics qu’amb la veitura termica o l’avion, ajudarà fòrça a luchar contra lo cambiament climatic e las emissions de gas d’efièch de sarra sus la planeta.
La Redaccion
Aqueste article serà tanben publicat dins Jornalet, lo primièr quotidian en linha de lenga occitana, amb lo qual Sapiéncia a un acòrdi de cooperacion.
