Petaurus breviceps , es una espècia tanben coneguda coma petaure del sucre, es un bèl mamifèr diprotodont que se noirís sutot de frucha amb fòrça sucre e pr’açò son nom. Aperten a la familha dels Petauridae e son d’animals que demòran sus d’arbres e son nuechencs.
Lo petaure del sucre pòt èsser plan trapat en Nòva Guinèa e d’illas pròchas, cèrts airals australians e encara en las illas Molucas, Indonèsia e Tasmània. Son de mamifèrs omnivòrs mas que manjan, sustot, de nectar de flors e tanben de saba dels arbres, a mai d’insèctes e d’aranhas. Qualqu’un còp tanplan de pichons aucèls e d’autres mamifèrs.
Lo petaure del sucre aima plan far lo niu dins de traucs d’arbre mas tanben pòt los far sul tèrra. Son d’animals plan socials e demòran en de grops familhals amb fins a 10 o 11 especimèns. La siá longor pòt se situar entre 14 e 20 cm e la siá coa es plan longa pr’amor qu’es tan longa coma lo quite animal. Los mascles son màgers que las femèlas e pòdon pesar fins a 160 gramas del còp que las femèlas fins a 130 gramas.
La gestacion de la femèla pòt demorar fins a 16 jorns. La vida d’un petaure dins la natura pòt arribar als 12 ans mas amb l’òme aquela pòt arrivar plan als 20 ans. La siá color es grisa e d’argent mas tanben negra e blanca segon l’airal de la pèl. La color, totun, que pòt èsser diferenta segon l’espècia.
La color de la selva
Dins la selva lor color es tipica pr’amor de la saba dels arbres. E son mai escurs. Amb l’òme la siá color normala es mai grisa. Es semblant a l’esquiròl volador, pr’amor qu’a lo cap cuèrt e uèlhs e d’orelhas grandas. La coa es utilizada per tombar pas dels arbres.
Coma aqueles animals tanben pòdon volar a mai de 50 mètres de nautor. La coa es utilizada tanben per una melhor direccion. Una autra caracteristica d’aquela espècia es l’odor que daissan sus tot lo territòri ont demòran a travèrs d’una glandula qu’na sonque los mascles. La femèla, pasmens, coma marsupiala, a una saca intèrna dins la pèl pels pichons que demoraràn amb ela fins que la femèla decidirà que ja son adultes e pòdon viure solets.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
