De nòvas chifras sus la populacion actuala del lop a l’estat francés son arribadas. E es tornada la polemica. Car segon aquelas i auriá agut una creissença de gaireben lo 50% del lops restacadas amb las chifras de fa mens de cinc ans. Las chifras foguèron confirmadas per la prefectura de la region Auvèrnhe-Ròse-Aups. Aital, ongan, la populacion del lop a l’estat francés seriá arribada als 906 especimèns.
Pasmens, la prefectura volguèt daissar clar que son de chifras encara temporalas. Mas uèi la populacion de lops dins tot lo territòri francés seriá ja de mai de 900 indidivús, quora fa sonque mens de cinc annadas aquela seriá de sonque 430 especimèns e de 921 lops en 2022.
Per ansin doncas, e segon la prefectura d’Auvèrnhe-Ròse-Aups, encargada de dirigir lo plan nacional del lop 2018-2023, “la populacion del lop a l’estat francés seriá de 430 individús entre los ans 2017 e 2018, del còp que per los ans 2022-2023 aquela seriá de 906 lops, çò que confirma una populacion establa”.
De chifras plan criticadas
Aquelas chifras, ja an dubèrt la polemica, car la populacion de lops en territòri francés seriá pus bassa que l’an passat. D’ecologistas e d’animalistas ja an criticat plan las chifras per desparièras causas: divèrsas organizacions non governamentalas demanèron una reduccion del nombre de còps qu’es autorizada la caça del lop pendent tot l’an. Un prètzfach plan natural en aquel tipe d’associacions. A mai, plusors grops ecologistas critiquèron qu’aquelas chifras son per mesurar quants lops pòdon èsser caçats cada an.
Pr’amor que, se lo lop gris es una espècia protegida a nivèl europèu, l’UE tanben es d’acòrd a l’ora de poder caçar cèrts especimèns per regular melhor la populacion de l’espècia a cada estat. Mas segon plusors grops animalistas “cada annada l’estat publica de chifras pus bassas. Cal confirmar la mòrt de 162 lops sonque en 2022 per de caça legala. E lo nombre de lops caçats cada an ven de mai en mai naut”.
Es çò que denoncian d’organizacions coma FERUS, ASPAS o encara WWF. E pr’amor d’aquò exigisson un arrèst d’aquel tipe de caça autorizada a nivèl governamental. Son de chifras, segon aquelas organizacions, pus bassas e dirigidas sonque als elevaires d’elevatge.
Mai d’un tanben critiquèt que lo lop es justamnet una espècia predatora qu’a de besonh grandas espandidas de territòri per viure plan e que pr’amor d’aquò es plan malaisit poder balhar de chifras drechas. Segon aquò, la sieuna populacion es estimada segon sonque d’espepisssaments, de pesadas o encara de femsa de lop, qu’ajudan l’Ofici Francés de la Biodiversitat a publicar aquelas chifras.
Las chifras tanben foguèron criticadas per las organizacions agricòlas majoritàrias francesas en tot confirmar tanplan que son de chifras “pus bassas de çò que i a. Cada an i a, segon aquel ofici, de mens en mens lops, una chifra qu’uèi ja arriba als 1.000 especimèns mens, çò diguèron”
D’un autre costat, la prefectura d’Auvèrnhe-Ròse-Aups soslinhèt que l’analisi de donadas geneticas nòvas ajudarà aqueste ivèrn a balhar de nòvas chifras sus la populacion del lop a l’estat francés mas aquelas seràn ja definitivas”. E los ecologistas confirmèron sul pic que cal esperar e veire se aquelas nòvas chifras son realas o pas.
La Redaccion
