LO CONGRÉS PRESENTA NINON

Lo Congrés Permanent de la Lenga occitana presentèt fa gaire un nou sit pels mainatges que parlan francés e tanben gascon. Lo sit, foguèt demanat pel Departament dels Pirenèus Atlantic, e aufrís un sens fin de ressorsas pels enfants bilingües.

Lo Congrès  adreiçet lo nòu portal als mainatges gascons mas tanben als parents e professionals que vòlon  trabalhar per integrar amassa la lenga occitana en la vida vidanta d’aqueles enfants. De soslinhar que Ninon es una iniciativa nòva e plan originala que permetrà als mainatges bilingües d’edat prescolara e infantila accedir a un melhor usatge de la lenga en la meteissa lenga occitana.

Una tièra de ressòrsas

Ninon prepausa al sit divèrsas ressorsas, dont un vocabulari francés e occitan illustrat a mai d’audios, plusors vidèos per poder practicar de vocabularis especifics, e tanben d’istòrias e d’activitats en gascon, tot pensat pels mainatges que poiràn contactar tanben de professionals per aprene e melhorar l’occitan.

Per poder aquò far Ninon a ja mai de 1.700 paraulas, 29 vidèos tutorials, 350 ressorsas restacadas amb d’istòrias, 130 cançons, 140 activitats desparièras e 200 professionals que pòdon èsser contactats dins lo sieu directòri.

Pendent la presentacion de Ninon foguèron soslinhats plusors avantatges que sonque pòdon aver aqueles que son bilingües o que parlan mai d’una lenga; aqueles mainatges desvoloparàn de capacitats diferentas e plan utilas, una compreneson melhor d’autras lengas romanicas, un aprenentage mai prigond d’autras lengas e aquerir una cultura plan mai rica. E tot aquò en occitan qu’entraïnarà una connexion mai prigonda amb lo territòri.

Ninon es òbra de lo Congrés an aliança amb Òc Tele, BI-ÒC, lo CFP de Nòva Aquitània e lo Cap’Òc e l’ajuda economica del departament Pirenèus Atalantics. D’autres organismes que tanben i participèron son Atelier In8, CIRDOC-Institut occitan de cultura, Conta’m, Ciutat, cerc, CREO  e Pôle Métropolitain Pays de Béarn.

La Redaccion