Pteromys momonga, tanben conegut coma l’esquiròl volador nan japonés o momonga, es un pichonèl rosegaire mamifèr qu’aperten al genre dels Pteromys e la familha dels esciuriids. La sieunas caracteristicas fan d’aquel pichonèl animal volador una espècia unica e tras qu’estonanta.
Es plan aisit conéisser lo perqué del sieu nom car son d’animals endemics al Japon e tanben una de las doas unicas espècias d’esquiròl volador de tota Asia. E demòran als bòsques japoneses. Son d’animals, mai que mai, nuechencs, e pr’amor d’açò, pendent lo jorn, dormisson plan dins d’amagatals dins dels arbres. Pasmens, quand arriba la nuèch, començan a cercar de noiridura; de granas mas tanben de fuèlhas d’arbres, de fruchs secs o encara de ruca dels meteisses arbres.
De caracteristicas pròprias e unicas
Los momonga (aital los coneisson los japoneses) son d’esquiròls plan pichons que pòdon pesar entre 150 e 230 gramas. Tanben pòdon arribar a far entre 10 e 15 cm de longor sens la coa, pr’amor qu’amb aquesta pòdon plan far fins a 20 cm de longor.
Los esquiròls voladors an, pasmens, grands uèlhs e la sieuna forradura es de color grisa bruna e blanca al ventre. La coa es de la meteissa color que l’esquia e fòrça plana. Son, a mai d’aquò, d’esquiròls que son plan mai pichonèls que d’autras espècias d’esquiròl familhalas d’autres luòcs de la planeta e plan mai que los esquiròls gigants voladors japoneses que pòdon arribar a pesar plan fins a 1 Kg e mièg de pes.
Mai que volar, çò que fan aqueles esquiròls es planar. Lo sieu espèr de vida mejan es de 6 annadas a la natura, mas pòdon tanplan viure fins als 15 ans se son suenhats per d’umans. Aquò es aital pr’amor que quan son a la natura son una de las predas pus cercadas per un grand nombre de predators dont felins, serpents o d’aucèls nuechencs.
Lo momonga fa lo nis dins dels arbres, mai que mai dins de conifèrs. Lo nis es utilizat per i menar de noiridura e tanben coma refugi contra los predators, a mai d’èsser lo luòc ont naisson los pichonèls momongas.
D’un autre costat, son d’animals que normalament an los pichons entre los meses de mai e juni e ne pòdon aver entre 1 e 5. La prima es l’epòca pus abituala pels parelhs d’esquiròl volador per se trobar, mas malgrat aquò, e se l’annada es bona, i a de femnas que pòdon arribar a aver de pichonèls esquiròls voladors fins a dos còps de biais annadièr.
Los animals que son familha mai dirècta de Pteromys momonga son de rosegaires que demòran plan luenhs, en America, car son los cans de la pradariá, e encara la marmòta. Lo genre Pteromys, a mai, includís fins a 45 espècias diferentas d’esquiròls voladors de tota la planeta.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
