La sèrp tigre es un rèptil del genre Notechis qu’aperten a la familha Elapidae, en tot èsser originària de las zònas meridionalas d’Austràlia e Tasmania, sustot d’espacis pròches a la còsta. La sèrp tigre australiana es considerada coma una de las mai verinosas de la planeta tota.
Son de sèrps que’aiman viure dins de zònas ont i a d’aiga, coma lo litoral, de flumes o de paluns, e de luòcs ont i an lors predas preferidas, las granhotas. La sèrp tigre es pertot lo sud d’Austràlia occidentala e tanben l’Austràlia Meridionala, e tanben es possible de la trapar en Tasmania, Nòva Gallas del Sud e Victòria.
Lo genre Notechis es fòrça divèrs per las colors que pòdon aver aquelas sèrps, en essent las mai abondosas las qu’an de linhas semblablas a las qu’an los felins e que li donan lo nom, e mai se pòdon variar segon la region ont demòran . Dins la familha Elapidae las sèrps tigre son dins un màger grop de desparièras populacions, que pòdon variar plan en talha o color.
Las siás bandas escuras pòdon èsser de desparièras tonalitats, que passan de la color verda, jauna, iranja, bruna, o negra. La part inferiora la la siá color pòt èsser jauna o iranja clara.
Son de sèrps plan grandas que pòdon superar los dos mètres de longor, e que per nòrma generala aiman pas los conflictes, de sòrta que s’agachan un èsser uman fugisson, e sonque atacan quand an pas cap luòc mai per ont fugir, en essent en aqueles moments extrèmament perilhosas per la siá nauta toxicitat.
De sèrps brica agressivas
Se se veson menaçadas doncas, dobtan pas a l’ora d’atacar, e quand aquò se debana la sèrp tigre se prepara d’una manièra tipica per atacar amb de fiulets brusents; après vendrà la sieuna ataca.
Alavetz fa una granda exibicion de fòrça, amb lo còrs mai en naut e mai tens. Lo cap es vèrs la tòca e començarà a fiular de mai en mai. Alara quin movement que siá pòt èsser fòrça dangierós pr’amor que i aurà, solide, una ataca plan rapida e una nhacada prigonda.
Son de sèrps que pòdon demorar plan amb de bassas temperaturas, e, per ansin, pòdon tanben èsser plan activas pendent de nuèchs caudas. Per caçar lors predas usan lor verin, un verin que tanben es fatal pels umans.
La siá nhacada a una potenta neurotoxina, la notexina, e tanben de coagulants, emolisinas e miotoxinas, çò que la fa d’aquela sèrp una de las pus verinosas del mond. Lo taus de mortalitat dels èsser umans, quan son nhacats per aquelas sèrps en d’aperaquí un 45%.
Los simptòmas de la nhacada comprenon de dolor localizat al pè e la region del còl, e divèrses autres simptòmas dont la sudoracion, seguit per de problèmas a l’ora d’alendar e, fin finala, una paralisi fatala.
Lo genre Notechis aperten a la familha dels elapides. I a doas espècias plan reconegudas d’aquel genre, Notechis scutatus e Notechis ater qu’an de caracteristicas diferentas. Las sèrps tigre, après se trobar sexualament, an demest 12 e 40 filhs, que naisson ja an un verin òrre. Pasmens, un còp èra, un femèla orientala aguèt fins a 64 pichonèls al còp.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
