A l’illa Mariela, situada al Pargue Nacional de las Illas Marielas, a Mèxic, se tròba un dels luòcs mai bèls e romantics de la planeta tota. Es la Plaja de l’Amor, tanben sonada la plaja amagada , un luòc amagat dels agachs ont passar un temps amb la parelha. La plaja de l’amor es situada a l’illa Mariela, una illa desabitada formada fa de centenats d’ans per una erupcion volcànica. Aquela plaja es considerada una de las mai estonantas e bèlas de la planeta tota ,e lo pargue nacional que pòrta lo nom d’aquela illa es format per un archipèl de doas illas desabitadas fòrça pròchas a la còsta mexicana, prèp de l’estat de Nayarit.
L’illa Mariela èra utilizada abans per de pròvas militaras, e foguèt lo tras que celèbre etològ occitan Jacques Cousteau, aimant de la beutat e importància d’aquel espaci natural, que la donèt a conèisser, car es un luòc ont i demòran de raras espècias d’aucèls e l’illa tota a un ric ecosistèma de vida marina , situat dins la zòna on i a coralh e qu’es al torn del pargue natural. L’illa Mariela es un luòc fòrça popular pels afogats al mar pr’amor de sas aigas claras e permet gaudir de la beutat e vida jos l’aiga de l’ocean Pacific. 
La zòna de la còsta dubèrta coma se foguèsse un clèsc vuèg, se sona la plaja amagada e se formèt a comptar d’una fendascla. Per i arribar cal nadar a travèrs d’un tunèl, e sonque s’i pòt arribar d’aquela manièra. Pr’açò es pas aisit la trobar. Cal nadar 150 mètres per l’aiga e crosar una cauna per poder i arribar. Foguèt amagada del mond exterior fins fa gaire.
Una plaja amagada durant sègles
Lo luòc demorèt gaire en èsser dins totas las listas de las plajas mai bèlas del mond, e tanben un dels luòcs mai demanats pels toristas que i anèron, fin finala, tròp. Es un airal de sonque 700 m² e èra totjorn plen de gent.
Tota la zòna èra ja protegida dempuèi l’an 2005 per la Comission Nacionala d’Airals Naturals Protegits (CONANP), mas pr’amor de la manca de contraròtle del nombre de toristas que visitavan la plaja de l’amor, lo 14 d’abril del 2016 calguèt anonciar lo barrament total de tota l’illa. L’accès demorèt enebida pendent annadas per la totalitat dels toristas e sonque uèi apuèi mantuns anas poguèt l’illa tornar aver l’equilibri necessàri.
L’illa Mariela es lo brèç d’una granda quantitat d’aucèls marins e cal ne soslinhar l’espècia Patiazual. Lors aigas an tanben mantunas espècias de peisses tropicals que vivon al torn del coralh marin que i a dins lo pargue nacional. Atanben i a un grand nombre de dalfins, que i demòran durant tot l’an a mai de la visita annadièra de balenas bocudas.
La proteccion de l’illa Mariela foguèt lo primièr assag del Congrès Mondial de l’Union Internacionala per la Conservacion de la Natura (UICN), per crear la Resèrva de la Illas del Pacific, un grop de 21 illas, amb 700 km² de tèrra e 11.000 km² d’aiga, qu’a mai espècias endemicas per metre barrat que las Galapagos.
A l’ora d’ara solament se pòt visitar la plaja de l’amor en seguint la nòrma de conservacion de pargue nacional, çò es dins un nombre maximal de visitants al jorn de 116, e se pòt arribar a la plaja amagada solament en grops de 15 personas e es totalament enebit d’arribar a la zòna del coralh.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
